Versets bíblics populars de Mateo 17

Comparteix

Ti alji yabye yuj ja Jesusi: —Ja we'nlexi, yuj mixa k'u'anex meran ja Dyosi. Ja smeranili, a'nima jel t'usan waxa k'u'anex ja Dyos jastal ja yal b'ak' mostasa, oj b'ob' a wal'ex yab' ja wits a eluk ja b'a'yi, ojni b'ob' eluka. —Mini jas mi oj b'ob'uk a wujilexa

Ti'to wa'n lo'il ja Pedro, jak musjuke el yuj jun nole ason, ja ason jawi, jex lijpi. B'a yojol ja ason jawi, ti yabye jun k'umala, ti wax yala'a: —Ja kunin ja iti, ja ke'n jex k'ana sok jel gusto ayon sok ja ye'n. Jaxa we'nlexi, jel t'ilan oj ja k'u'ukex ja jas wax yala—.

Ti yala ja Jesusi: —Ja we'nlexi, jel jomel olom ayex sok mixa k'u'anex ja Dyosi. ¿Mi oj kal yuj mi jas oj b'ob' a wujilex ja mi tey kon a mokexi? ¿Jas ora oj ja neb'ex b'a? —I'ajik jan ki il ja yal keremi, x'utjiye yuj ja Jesusi. Jaxa Jesusi, ti yal yab' ja tan pukuj it tey sok ja yal keremi, st'ena t'ilan ke a eluk ja b'a'yi. Jaxa yal keremi, ti'xta tojb'i'a.