Versets bíblics populars de Mateo 10

Comparteix

—Ja a'tel b'a wax jekawex oj waj ja k'u'lukexi, ay swokolil, sok xiwela sb'aj. Lajan sok jastal oj jekxuk jun nole chej b'a yoj jun nole ok'il. Ja'yuj k'elan jakan ajyanik jastal ja b'its'il chani, cho ch'in a b'ajik jastal ja pumusi.

Kechan ita k'a ja waxa yajta wa kwerpo, jaxa wa waltsili, wanixa jipa yoj k'ak'a, kechanta yuj k'a waxa wa a b'ajex a'nima ti' la chamyex yuj ja ke'n, ja smeranili, ojni a ta' wa sak'anilexa.

Mok xiwanik yuj ja ma' wa sk'ana oj sch'ay sna'jel wa kwerpo'exi, ja wa waltsilexi, mi jas oj b'ob' sk'u'luke yi. Mas lek ja' la xiwyex yuj ja Dyosi, ja ye'n ay yip b'a oj sch'ay sna'jel b'a yoj k'ak' wa kwerpo'exi sok wa waltsilexi.

Mi k'axa kuchuwex ja wokoli, mi k'ax cho a nochowonex, mi oj b'ob' ochanik jneb'umanil.

—Ja we'nlexi, wan k'axa walawex ke yuj jneb'umanex jach'ni ja ke'n oj kal yab' ja jtat yujni jach' jastal jaw merana. Kechanta yuj waxa walawex yab' ja kristyano jumasa mi yuj ke'n jneb'umanex, jach'ni ja ke'n oj kal yab' ja jtat mini jachukuk jastal jawa.

—Cho a'wik tojb'uk ja ma'tik mi lek ayi. A'wik sak'wuk ja ma chamta. A'wik tojb'uk ja k'a'el sb'ak'tele'i, A'wik eluk ja tantik pukuj jumasa tey sok ja kristyano jumasa. —Mok a tajb'ayex ja ma' oj ja k'u'lukex yi ja a'tel jumasa iti, yuj ja yip ja Dyos ya'wi'ex ja we'nlexi, me'xa tupuwex

Ja'yuj mi lom la xiwyex. Mas jel niwan wala iljiyex ja we'nlex yuj ja yal chan jumasa.

—Moka wal'ex yuj jakel ka' laman ja kristyano jumasa b'a lu'um iti. Mi jakelukon b'a oj ka' laman, jakel ka k'e' ab'al k'umal sok jakel ka nijkuk ja wokol jumasa.