Versets bíblics populars de Wurɔmiyé 8

Comparteix

Weli sí nyɛ́nì ki cɛ́n kele ke mìɛni kiyē nɛ kpínʔini nɛ sunʔuni kìye nɛ̄, nɛ kacɛ̀ngɛ kpínʔini bìli mɛ́ Kulocɛliɛ wi 'pe dɛ́ni wè; kire 'jo bìli Kulocɛliɛ wi 'nyíɛnɛ nɛ̀ kɔ̀n bèle nɛ̀ yɛli nɛ́ wi nyɛ́ni kaala ní lè.

Mi 'tɛ́ngɛ ki nɛ̄, mi wè káalaʔ, yakaa fáala sǐ gbɛ̀ jáa bè weli yige Kulocɛliɛ dɛ́nigɛ nī gèʔ: kùu sǐ gbɛ̀ jáaʔ, bè kò sìi nɛ̄ kire sǐ gbɛ̀ jáaʔ, nyìʔɛnɛ tundunminɔ sǐ gbɛ̀ jáaʔ, gbòdolilo sǐ gbɛ̀ jáaʔ, yakaa fáala pàngɛ ŋáà nī wè kiǐ gbɛ̀ jáaʔ, yakaa fáala gàa ki báan nɛ tíin gè kiǐ gbɛ̀ jáaʔ, fànʔa káà fáala sǐ gbɛ̀ jáaʔ. Nɛ̀ pínɛ yakaa fáala baa naamɛ wómi, kiǐ gbɛ̀ jáaʔ; á kire 'laa yakaa fáala dàala táanmɛ gè, kiǐ gbɛ̀ jáaʔ. Nɛ̀ pínɛ yafanʔa káà fáala fànʔa sǐ gbɛ̀ jáa bè weli yige Kulocɛliɛ dɛ́nigɛ nī gèʔ gàa wi 'tìɛ weli Kàfɔli Zezi Kirisi nī wèʔ.

Bɛ̀ ki yē nɛ̀ pínɛ, Kulocɛliɛ Pìle niī nɛ weli sári bà weli céri ti fànʔa ki 'cɛ́ri gè. Ki 'nyaa weli sì ki cɛ́nʔ mɛni weli 'yɛli bèri Kulocɛliɛ náari wè de síi wèʔ. Nɛ̀ sí ki taa Kulocɛliɛ Pìle lire tíimɛ lè, ni nìɛ Kulocɛliɛ náari wè nɛ wi fiɛn weli kɛnmɛ nɛ̄ bè: ni nìɛ cíɛn nɛ ŋɔ́gi nɛ tíri siɛnrɛ dáà tiǐ gbɛ̀ cɛ́n bè juu dèʔ.

Gíi we bé ní cɛ juu cígini ? A Kulocɛliɛ wiī weli wuu wè, ŋáasiɛn wi bé ní jáa weli nɛ̄ ?

Kire tiʔɛ gáà nī gè, píra ŋáà nī wè, bìli bīɛlɛ Zezi Kirisi wuulo bèle, kàyuʔu yafiɛn ní wè pe nɛ̄ʔ.

Céri kasɔngilɔ keli sí yē nɛ waa kùu koligo nī, nɛ̀ sí ki taa Kulocɛliɛ Pìle kasɔngilɔ keli nɛ waa sìi nɛ́ yanyige koligo nī.

Nɛ̀ sí ki taa kire gáà ki mìɛni láara gè, weli yē jáafɔlilɔ feliye yi mìɛni, ŋàa wī weli woli ni 'kpúʔɔ wi mɛ́ lè, wire fànʔa nɛ̄.

Mi 'ki sɔ̀ngi nɛ̀ ki 'nyaa wuʔɔgɔ gáà gī weli nɛ̄ píra ŋáà nī wè, kiǐ gbɛ̀ tɔ́nminɔ bè wúɔ bè yɛli nɛ́ kpuɔmɔ báà nī Kulocɛliɛ wi je ga sa weli nyɔ́gɔ wèʔ.

Gáayɛgɛ ki bága weli yige Kirisi dɛ́nigɛ nī gè ? Fùrɔgɔ lé, á kire 'laa yawarirɛ lé, á kire 'laa tɛ́ngɛlɛ wuʔɔgɔ gè lé, á kire 'laa funduuro lé, á kire 'laa yalere fuunmɔ lé, á kire 'laa kagbɛnnɛ lé, a kire 'laa ŋɔsii kùu lé ?

Kulocɛliɛ wè, bɛ̀ wire sí nɛ nyaʔa funyɔ nī yè, wi nɛ̂ Pìle ni sɔ̀ngirɔ cɛ́n dè. Nɛ̀ taʔa gíi nɛ̄, Kulocɛliɛ Pìle niī nɛ Kulocɛliɛ náari wè nɛ wi fiɛn Kulocɛliɛ wi wuulo pe kɛnmɛ nɛ̄ bè nɛ̀ yɛli mɛni Kulocɛliɛ wiī nɛ ki caa gè.

Ki 'nyaa bìli bīɛlɛ Kulocɛliɛ Pìle niī nɛ pe sìi kàrigí wè, peli yē Kulocɛliɛ pìile.

Ki 'nyaa bìli bīɛlɛ pe nyɛ́ni pe sìi tári wè nɛ yɛligi nɛ́ céri kɛnmɛ ní bè, céri kele peli nàa sɔ̀ngí; bìli sí bīɛlɛ Kulocɛliɛ Tiɛlɛfun Pìle wuulo bèle, kire Pìle kele peli nàa sɔ̀ngí.

Nɛ́ ki cɛ́n, wiì wi Jaa tíimɛ pɔ́rigɔ wè weli nɛ̄ʔ, wi cɛ́nì wi kɛn weli we mìɛni kɛnmɛ nɛ̄ bè wī. A ki sí yē bɛ̀ gè, mɛni nɛ̀ síɛ wiǐ ga yɛrɛ ti mìɛni kɛnʔ weli mɛ́ waʔanɛ bè fàri wi Jaa nɛ̄ wè ?

Kulocɛliɛ Pìle náà lire ni nyɛ́ni ki nyu nɛ láʔala weli funyɔ nī yè dí weli yē Kulocɛliɛ pìile. Bɛ̀ sí weli yē Kulocɛliɛ wi pìile bèle, weli bé wi yɛrɛ ti tɔ̀ni taa wè bè pínɛ; weli bága wi yɛrɛ ti tɔ̀ni taa wè bè wúɔ ti nɛ̄ nɛ́ Kirisi ní wè wī. Nɛ̀ taʔa gíi nɛ̄, a weli nɛ pínɛ nɛ wuʔɔ nɛ́ wi ní wè, bà míɛni weli bága sa wúɔ buu kpuɔmɔ nī bè nɛ́ wi ní.

Ki 'nyaa céri kasɔngilɔ kiyē leguuro nɛ̄ nɛ́ Kulocɛliɛ ní wè, nɛ̀ taʔa gíi nɛ̄, kire siɛnnɛ bèle pe nɛ̌ yéri ki nɛ̄ʔ bè lúʔu Kulocɛliɛ Fànʔa Siɛnrɛ mɛ́ dèʔ; piyě cɛ gbɛ̀ jáa wīʔ.

Ki 'nyaa Kulocɛliɛ yafaanra tiī yériyaʔara nɛ ki siri lɛ̀lɛ níì nī Kulocɛliɛ wi bága wi pìile pe kɛnmɛ tìɛ bè kpànʔanɛ wálilɛ wè.

Nɛ̀ taʔa gíi nɛ̄, weli 'ki cɛ́n Kulocɛliɛ yafaanra ti mìɛni dè, fùrɔgɔ yē ti nɛ̄ ti cíɛn bɛ̀ cesiiwe tíɛlɛ fúɔ nɛ̀ pɛ́nì taa bɛ̀ ki yē ŋɔ̀ wè.