Versets bíblics populars de Wurɔmiyé 6

Comparteix

Nɛ́ ki cɛ́n, kapiile sàri wè, kùu wī; Kulocɛliɛ kpuʔɔrɔ tire nɛ bànguɔ sìi kanʔa siɛn mɛ́, bɛ̀ weli yē pínɛnɛ nɛ́ weli Kàfɔli Zezi Kirisi ní wè.

Nɛ̀ taʔa gíi nɛ̄, kapiile niì yɛli bèri fànʔa kpúɔn yeli nɛ̄ʔ. Nɛ́ ki cɛ́n Fànʔa Siɛnrɛ tire bɛ̀ʔ ti nyɛ́ni yeli kàrigíʔ, Kulocɛliɛ kacɛ̀ngɛ kire ki 'yɛli bèri yeli niī koligo nī.

Bà sí weli batɛmi kpíʔile wè, ki 'kpíʔile majo pe 'weli pínɛ nɛ̀ tɔ́n nɛ́ wi ní bà wi 'kùu wè, gìi ki bé tí, bɛ̀ Kirisi wi 'koli nɛ̀ nyɛ́ nɛ̀ yiri kúbilo nī bèle Tuufɔli wire kpuɔmɔ pi fànʔa nɛ̄ gè, weli míɛni bèle we- sìi fɔnwɔ taa weri tári wire nī.

Ye fǎga tí bé ní de yeli yaliiye yɛri yè yi- puu kolimɔ yakpiʔilideʔ, bèri kapiile kele kúuʔ. Ye cɛ ye yìye yaʔa Kulocɛliɛ mɛ́ wè majo kúbilo bīɛlɛ pe 'koli nɛ̀ nyɛ́, yé sí yeli yaliiye yaʔa yè yi- puu sínmɛ yakpiʔilide Kulocɛliɛ mɛ́ wè.

Weli 'ki cɛ́n dí kaliɛmɛ bíì pi 'puu weli nī bèle, pe 'ki kaliɛmɛ pínɛ bè nɛ̀ kóri nɛ́ Kirisi ní wè tiiparigɛ nɛ̄ gè, gìi ki bé tí weli céri dáà dī kapiile céri dè, ti fànʔa ki- kúɔ, weli fǎga ní de sùkulomɔ kúu kapiile mɛ́ lè púloʔ.

Kire nɛ̄ yeli míɛni bèle, yeri yìye tɔ́ri yeli 'kùu nɛ̀ yiri kapiile ni kiyɛ nī yè wī, nɛ́ sí nɛ yeli sìi tári wè Kulocɛliɛ mɛ́ wè bɛ̀ yeli yē Zezi Kirisi wuulo bèle.

Gíi sí we 'yɛli we- juu ? We- jo lé siɛn wi- yiʔɛ le wi de kapiile kpínʔini lé, dí kàa sí de taʔala Kulocɛliɛ kpuʔɔrɔ nɛ̄ dè lé ? ʔéʔe díɛ ! Weli bálì we 'kùu nɛ̀ yiri kapiile nī lè, mɛni we bé ní de weli sìi tári wè kapiile nī lè ?

Yeli sì ki cɛ́nʔ lé a yeli 'yìye cáan nɛ baara wàa mɛ́ níɛ lúru wi nɛ̄ wè, yeli 'kò kire siɛn wi sùkulolo wī lé ? A ki ye 'dɛ́ni yeri kapiile kpínʔini, ye ga kùu baa ki kaala nī lè; a ki ye 'dɛ́ni yeri lúru Kulocɛliɛ nɛ̄, bɛ̀ yeli béri yeli sìi tári wè sínmɛ koligo nī gè.

Ye- puu weri kpuʔɔrɔ tari Kulocɛliɛ nɛ̄, nɛ̀ taʔa gíi nɛ̄, yeli 'puu sùkulolo kapiile ni kiyɛ nī yè, nɛ̀ sí ki taa píra ŋáà nī wè, yeli nyɛ́nì yéri nɛ̀ lúʔu nɛ́ yeli fungo ki mìɛni ní tɛnmɛnɛ náà yeli 'taa lè. Bà sí yeli 'suɔ kapiile sùkulomɔ nī bè nɛ́ kò yìye mɛ́ bèle, a yeli 'kò sínmɛ pi sùkulolo.