Versets bíblics populars de Wurɔmiyé 4

Comparteix

Kire nɛ́ ki mìɛni ní, wiì cé káaliyɛ le wìi nī Kulocɛliɛ nyafɛnigɛ ki wori nɛ̄ dèʔ. Wi cé nɛ́ cɛ́nì ŋɔri le tɛ́ngɛlɛ nī lè wī, nɛ̀ kpuʔɔrɔ taʔa Kulocɛliɛ nɛ̄ wè. Wi cé tɛ́ngɛ ki nɛ̄ nɛ̀ láʔa dí a Kulocɛliɛ wi 'nyuɔ fɛ̀ni kaala níì nɛ̄ lè, wi bé jáa bè ni kpíʔile.

Ki 'nyaa Kulocɛliɛ siɛnsɛbɛrɛ ti 'ki juu nɛ́ jo: Mi 'muɔ tɛ́ngɛ ma puu siɛnnɛ feliye nìʔɛnɛ tuuliʔɛ . Wiī weli tuuliʔɛ Kulocɛliɛ yiʔɛ mɛ́ gè, Kulocɛliɛ wire nɛ̄ wi cé tɛ́ngɛ, Kulocɛliɛ ŋáà wi nyɛ́ni kúbilo nyɛ́gi bèle, níɛ yɛrɛ yeri dè dàa ti wè bile dèʔ, ti- yigi.

Kulocɛliɛ wi cé Zezi kɛn wè kùu mɛ́ wè weli kakolido tire kɛnmɛ nɛ̄, nɛ́ sí ń'nɛ̀ koli nɛ̀ wi nyɛ́ nɛ̀ yige kúbilo nī bèle, gìi ki bé tí wi- weli kpíʔile weli- puu sínminɛ Kulocɛliɛ yiʔɛ mɛ́ gè.

Birayima wi cé wi sɔ̀ngirɔ taʔa dè yakaa nɛ̄ nɛ̀ ki yaʔa sɔ̀ngirɔ taʔadiʔɛ sì 'puu baaʔ, a wi 'tɛ́ngɛ Kulocɛliɛ nɛ̄ wè, a ki pɛ́nì kpíʔile a wi 'kò kùlogolo siɛnfeliye nìʔɛyɛ tuuliʔɛ, nɛ̀ yɛli nɛ́ siɛnrɛ dáà Kulocɛliɛ wi cé juu wi mɛ́ dè, nɛ́ jo: Bɛ̀ muɔ siimɛ pi bága puu nìʔɛbɛ kire kɛnmɛ nɛ̄ bè .

Kire kɛnmɛ nɛ̄, a siɛn 'tɛ́ngɛ Kulocɛliɛ nɛ̄ wè wi bé nyafɛnigɛ ki sìɛrɛ taa dè, ti- puu Kulocɛliɛ kpuʔɔrɔ dè, dí nyafɛnigɛ ki- sí puu baa ki nyɔgɔlɔ nī gèle Birayima siimɛ tùlugo wuulo pe mìɛni mɛ́ bèle. Ki fǎga yéri yákuɔ bìli mɛ́ Fànʔa Siɛnrɛ ti 'kɛn dèʔ, ki 'nyaa bìli pe 'tɛ́ngɛ majo bɛ̀ Birayima cé tɛ́ngɛ wè, Birayima wè we mìɛni tuuliʔɛ gè, peli wuʔu gī nɛ̀ pínɛ.

Siɛnnɛ bílì Kulocɛliɛ wi 'pe kakolido wuʔu yaʔa gè a ki 'kúɔ wè, nɛ́ bìli kapiʔile Kulocɛliɛ wi 'láʔa gèle, peli wuʔu kiī tànʔa. Siɛn ŋáà Kàfɔli wi ní wè wi kapiʔile tɔ́ri gèleʔ, wire wuʔu kiī tànʔa

Ki 'nyaa Kulocɛliɛ siɛnsɛbɛrɛ ti 'ki juu nɛ́ jo: Birayima wi 'tɛ́ngɛ Kulocɛliɛ nɛ̄ wè, a Kulocɛliɛ wi 'wi tɔ́ri siɛnsinwɛ .