Versets bíblics populars de Wurɔmiyé 12

Comparteix

Ye fǎga taʔa pàngɛ duniya wuulo kakpiʔiligele nɛ̄ gèleʔ. Gìi ki 'pɔ́ri gè ye- tí Kulocɛliɛ wi- sɔ̀ngivɔnrɔ nyɔ́gɔ yeli nī dí yeli tánʔagɛnmɛ pi sí yiʔɛ. A kire 'kpíʔile wè yeli bé gbɛ̀ ki tɔ́nminɔ bè cɛ́n gìi gī Kulocɛliɛ nyɛ́ni kaala lè: gìi gī cɛ̀ngɛ gè, gìi ki 'wi dɛ́ni gè, nɛ́ kaala náà ni 'nyuɔ nɛ̀ láʔa lè.

Kire nɛ̄, mi siinyɛninɛ, mi nɛ yeli fiɛn wī, bɛ̀ Kulocɛliɛ wi 'kacɛ̀ngɛ kpíʔile we nɛ̄ kpuʔɔ wè, ye- yeli céri wewiire kɛn dè ti- puu kakuɔrɔ Kulocɛliɛ mɛ́, ye- yìye wàli ye tɛ́ngɛ wi mɛ́, kire ki bé Kulocɛliɛ dɛ́ni wè. Kire gī Kulocɛliɛ gbùʔɔrigɔ kányiʔɛ wuʔu gè.

Yeri fundaanra kpínʔini yeli sɔ̀ngirɔ taʔadiʔɛ ki wori nɛ̄ dè. A wuʔɔgɔ 'nɔ̀ yeli nɛ̄ bèle, ye- ki kpàri ye cò. Ye- lèbaanna le náarigɛ nī gè.

Fǎga kapiʔi yaʔa gè ki- fànʔa taa muɔ nɛ̄ʔ; muɔ wè, ma kapiʔi jáa gè nɛ́ muɔ kacɛ̀ngɛ kpíʔilige ní gè.

Wìyedɛnigɛ gáà ki 'yɛli bè puu siinyɛninɛ sunʔɔmɔ nī bè, ye- ki yaʔa ki- puu yeli sunʔɔmɔ nī, yeri kpuʔɔrɔ tari ye mìɛni nɛ̄ kpuʔɔ.

Wìyedɛnigɛ gè, ye fǎga tí ki puu nɛ́ funyɔ siin níʔ. Kapiile lè, kacuʔɔrɔ dè, ye- ti yaʔa ti- puu yeli yafungo; ye- puu yeri kacɛ̀ngɛ caa súuri.

A ki yē yeli mɛ́ ki yē wè, dí yanyige ki sí taa wè, ye- ki kpíʔile feliye yi mìɛni ye puu yanyige nɛ̄ nɛ́ siɛnnɛ pe mìɛni ní.

Nɛ siinyɛninɛ yeli bálì ye 'mi dɛ́ni bèle, ye fǎga de yeli kayaʔa fuʔɔlɔ tɔ́ngi gèle yeli tíimɛ bèleʔ. Gìi ki 'pɔ́ri gè, ye- ki yaʔa Kulocɛliɛ mɛ́; nɛ̀ taʔa gíi nɛ̄, ki 'sɛbɛ baa Kulocɛliɛ siɛnsɛbɛrɛ nī dè nɛ́ jo: Mi mɛ́ ki yē bè kayaʔa fuɔlɔ tɔ́n lè, mi m'bága fuʔɔlɔ tɔ́n gèle ! Kàfɔli wi 'jo bɛ̀ .

Ye- puu sícaʔala, ye fǎga puu sàliyɛfɔlilɔʔ. Yeri Kàfɔli wi baara kúu dè funyaʔa ní.

Nɛ̀ yɛli nɛ́ kpuʔɔrɔ dáà Kulocɛliɛ wi 'kpíʔile mi mɛ́ dè, kire kɛnmɛ nɛ̄ mi je ki juu yeli ye mìɛni nigbe nigbe mɛ́ bèle: wàa fǎga sɔ̀ngirɔ táà líɛ bè le wìi nī bèri wìi nyíɛnɛ de tóriʔ. Gìi ki 'pɔ́ri gè, siɛn ó siɛn, nɛ̀ yɛli nɛ́ tɛ́ngɛlɛ liɛlɛ náà Kulocɛliɛ wi 'kɛn wi mɛ́ lè, siɛn wi- sɔ̀ngijɛnrɛ le wìi nī.

Ye fǎga tí béri kapiʔi tíʔi de kapiʔi fuʔɔ tɔ́ngi siɛn mɛ́ʔ. Yeri kacɛ̀ngɛ caa siɛnnɛ pe mìɛni mɛ́ yeli fungo nī gè.

Yeri nyu yeri lúru yìye mɛ́ ye mìɛni bèle; ye fǎga yeli sɔ̀ngirɔ yaʔa dè ti- puu yeli de ki caa bè puu yiʔɛmɛʔ. Gìi ki 'pɔ́ri gè, ye- yìye yaʔa yɔ́riyɔri, yeri yìye cɛ́rigi. Ye fǎri yìye sɔ̀ngí yeli yē sícilileʔ.

A ki cɛ yē fungo ki 'muɔ leguuwo taa wè, ma wi kɛn wi- lìi. A luʔɔwuʔɔ 'wi taa, ma wi kɛn wi- gbuɔ. Ma ki cɛ́n a muɔ nɛ kire kpínʔini gè, ki bé nyaa majo kàsun nàgaanra muɔ nɛ kunu nɛ ŋu wi mɛ́ nyùgo nī gè.

Bìli pe yeli wuʔɔ bèle, yeri diba kpínʔini pe mɛ́; yeri diba kpínʔini, ye fǎga siɛn dɛngɛʔ. Yeri fundaanra kpínʔini nɛ́ bìli ní piyē fundaanra nɛ̄ wè, yéri nyɛni nɛ́ bìli ní pe nyɛni bèle.

Yeli tɛ́ngɛfɔnyɛninɛ bèle, a wàa màakuu yē yakaa nɛ̄, ye- wi kɛn. Ye- puu nɛ́ nabɔndirige funyɔ ní kpuʔɔ.

Ki 'nyaa bɛ̀ cetinnɛ niī nigbe á yaliiye ní yē nìʔɛyɛ yè, yaliige ó yaliige nɛ́ ki kakuɔlɔ wè, bɛ̀ ki yē nɛ̀ pínɛ: weli yē nìʔɛnɛ, nɛ́ sí wúɔ cetinnɛ nigbe nɛ̄ pínɛnyɛnigɛ nɛ̄ gè nɛ́ Kirisi ní wè, nɛ̀ kò wìye yaliiye nɛ́ wìye ní.