Versets bíblics populars de Zan 14

Comparteix

«Mi nyɛ́nì yanyige kɛn gè yeli mɛ́. Yanyige gáà gī mi wuʔu gè, mi 'ki kɛn yeli mɛ́. Mi sì ki kɛn bɛ̀ duniya sî ki kɛn gèʔ. Ye fǎga yeli funyɔ yaʔa yè yi de nyaʔami yeli nīʔ, ye fǎga de fìʔɛ́ púloʔ.

A Zezi wi 'wi yɛ: «Mi wī koligo gè, nɛ́ kányiʔɛ gè, nɛ́ sìi wè. Siɛn wè waa Tuufɔli tiʔɛ nī gèʔ ka laa wiì tóri mi mɛ́ʔ.

A Zezi wi 'jo: «Ye fǎga yeli funyɔ yaʔa yè yi de curuguʔ. Ye- tɛ́ngɛ Kulocɛliɛ nɛ̄ wè, ye míɛni ye tɛ́ngɛ mi nɛ̄.

Ŋàa sí wī Sáʔafɔli wè, Kulocɛliɛ Pìle lè, nàa Tuufɔli wi bága tórigo mi míʔɛ nɛ̄ gè, wire wi bága yeli tɛnmɛ kele ke mìɛni nɛ̄ gèle, bé sí yeli sɔ̀ngi bè taa nɛ́ siɛnrɛ dáà ti mìɛni mi 'juu yeli mɛ́ dè.

Siɛn ŋíì wi 'mi kajuudiʔɛlɛ cò gèle níɛ tári nɛ yɛligi nɛ́ ke ní gèle, kire siɛn wire mi 'dɛ́ni wè. A mi sí siɛn ŋíì dɛ́ni, ki siɛn míɛni wi bé mi Tuu dɛ́ni wè. Mi míɛni wè, wi bé mi dɛ́ni; m'bé nìɛ tìɛ wi nɛ̄ bè pínɛ.»

Mi míɛni wè, m'bé Tuufɔli náari wè wi- Sáʔafɔli wáà kɛn yeli mɛ́, wi- puu nɛ́ yeli ní súuri. Kulocɛliɛ Pìle lire nī, ni nyɛ́ni tári kányiʔɛ nɛ̄ gè; duniya wuulo piyě gbɛ̀ jáa bè ni taaʔ, nɛ̀ taʔa gíi nɛ̄, piyě gbɛ̀ ni nyaaʔ, nɛ̀ pínɛ piyè ni cɛ́nʔ. Yeli sí bèle, yeli nyɛ́nì ni cɛ́n, bɛ̀ ki 'nyaa niī nɛ́ yeli ní kòrilo lè, nɛ̀ pínɛ ni bága puu yeli nī bèle.

Nɛ̀ pínɛ a yeli 'yɛgɛ náari mi míʔɛ nɛ̄ gè, m'bé ki kpíʔile, gìi ki bé tí Tuufɔli wi- kpuʔɔrɔ taa Jaafɔli nī wè. A yeli 'yakaa náari mi mɛ́ mi míʔɛ nɛ̄ gè, m'bé ki kpíʔile.»

«A ki yē mi 'yeli dɛ́ni wè, yeli béri mi kajuudiʔɛlɛ tári gèle.

Kòridiɛyɛ nìʔɛyɛ yē baa mi Tuu wi saʔa nī gè. A kiì puu bɛ̀ gèʔ, mi cî ti juu lé yeli mɛ́ bé yeli yɛ dí mi nɛ waa bè sa tiʔɛ káà kpíʔile yeli mɛ́ lé ?

A mi sí kɛ́nì kɛ́ nɛ̀ sɛ́nì tiʔɛ káà kpíʔile yeli mɛ́ bèle, bà m'bé ní koli bè pɛn bè pa yeli líɛ bè fàri nìɛ nɛ̄, gìi ki bé tí a mi yē tiʔɛ gíì nī wè, yeli míɛni bèle ye- puu baa ki tiʔɛ nī gè.

A Toma sí wi yɛ: «Kàfɔli, weli sì cɛ́nʔ sétiʔɛni muɔ nɛ waaʔ. Mɛni weli bé gbɛ̀ ki koligo cɛ́n gè ?»