Versets bíblics populars de ŴaFilipi 2

Comparteix

Kuchita kanthu kose kwandeu cha, pamwenga kwathamu laŵaka cha, kweni kwakujiyuyuwa mu mtima; mose mupime ŵanyinu kuŵa ŵakuruska imwe. Munthu yose kuphwere vinthu vyaku yija cha, kweni vya ŵanyake navyo.

Kaghanaghanidu ko kenga mwaku Kristu Yesu, kaŵe mwinu

mweniyo pakuŵa mu muŵiru waku Chiuta, wengavi kulipima yanu lake ndi Chiuta kanthu kakuphangika, kweni wangujikhutuwa, wakujitole muŵiru wa mu ŵanda, ndi pakuŵa mu chikozgu cha ŵanthu; ndipo wati wasanirika mu kawonekedu ka munthu, wangujiyuyuwa, pakuŵa wakuvwiya mpaka ku nyifwa, nyifwa nayo yapa mphinjika.

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

Chifukwa chenicho so Chiuta wamtumphuskiya pachanya limu, ndipo wampaska kwawanangwa zina lapachanya pa zina le lose; kuti mu zina laku Yesu gongonu lose ligwadiyenge, la ŵakuchanya, ndi la ŵapa charu, ndi la ŵakusi kwa charu, ndipo kuti lilime lose lizomerezge kuti Yesu Kristu ndi Mbuya, ku unkhankhu waku Chiuta Dada.

Chitani vinthu vyose kwambura madinginiku ndi masuskanu, alinga kuti muŵe ŵambura masumulika ndi ŵazizimu, ŵana ŵaku Chiuta ŵambura kalema mukati mu mgonezi wakunyongoroka ndi wakupuruska, mwaku wo muwoneka ulaka ndi vyenje me charu

Viyo na, mwaŵakwanjiwa ŵangu, uli ndimo nyengo zose mwavwiyanga ndi penipo ndinguŵako kwinu pe cha kweni ukongwa limu sono pa kuŵako kwangu kunyake, takatakiyani utaski waku mwaŵeni mu wofi ndi chitenthe