Versets bíblics populars de 1 ŴaKorinte 13

Comparteix

Chanju chilekerezga, ndipo ncha ulemu, chanju kuti chiŵiniwa cha; chanju kuti chijirumba cha; kuti chitukumuka cha, kuti chichita nkhaza cha. Kuti chilembe vyaku chija cha, kuti nchachikaralizga cha, kuti chitundiriya pa uheni wo chikunthiyapo cha

Chikandirizga vyose, chivwana vyose, chigomekezga vyose, chikunthiyapo vyose.

kuti chikondwere pa uwura-urunji cha, kweni chikondwere ndi uneneska.

Ndipo sono chijariya chivwanu, chigomekezgu, chanju, vitatu; kweni chakuruska ukongwa chaku vyo, nchanju.

Nyengo zose kuti chanju chipereŵe cha; kaya manyi ndi mauchimi, ghawayukenge, pamwenga marongoroledu, ghamarenge; pamwenga mziŵiru, uwayukenge.

Asani ndirongoro ndi marongoroledu gha ŵanthu ndi gha ŵangelo, kweni ndirive chanju, ndituŵa nge ndi sapuli yakuyeyeta, pamwenga chijeri chakujewereska.

Ndipo asani ndi ndi umchimi, ndipo ndiziŵa mangari ghose ndi mziŵiru wose; asani nde ndi chivwanu chose, viyo kuti ndinganderezga mapiri, kweni chanju ndirive, kuti nde kanthu cha.

Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

Ndenga ndeche kana, ndarongoronga nge nkhana, ndathoŵanga nge nkhana, ndaghanaghanagha nge nkhana; ndati ndaŵa doda, ndareka vya wanaumana.