Versets bíblics populars de 'Ba Kolosaia 'Diyi 3

Comparteix

e’yo ’yezu emi eselia asi ndrizasi, e’yo onzi kuzu emi eselia, ’ba azini ka ovu e’yo be yi eselia; ekile Opini e’yo onzi emini kulerile, emi ’ye ’dinile indi.

Emi ma dro asisile emini e’yo ovupi uruleru ’diyi ma dria, e’yo ovupi nyakua ’diyi ma dria ku.

Te e’yo dria alu alu emini ’yeleri, emi ma ’ye asi driasi, Opi dri te ’ba dri ku

Emi ’ba Munguni opele alata­raru, lele tu ’diyi, e’yo ’disi emi ma su ani asi ndriza yiki beri pi, asi onyiruri pie, asi afu kokoruri pie, asi e’yere pie, asi teza ande kokoruri pie

E’yo Kristoni ma adri emi alia lonyi be tre ondua driasi, emini emi imbazu azini emi asi omizu emi eselia; zaburi piyisi, ongo pie, ongo Orindini imbale ’diyi pie, emini ongo ngoria Mungu vu asi emini ma alia ’yeta anzutirisi, E’yo dria emini ’yele, kani e’yosi kani ’yetasi ’diyi, emi ma ’ye e’yo dria Opi Yesu ma rusi, awa’difo ’yozu Mungu Ata vu erisi.

Te e’yo ’diyi ma dria dria emi ma su leta avasiri, ’di afa ombeza e’yo ’bani dri fuzu ciriniri’i.

Ka’dini emi ka-ovu engazaru ’ba draza ma eselia tualu Kristo be ’bo, emi ma nda e’yo ovupi uruleru, pari Kristoni ovuzu erini rizu Mungu ma dri ndiaria ’diyi.

Asi anzuru Kristoni yini emi omvezu vunia rua alu ma aliari ma adri e’yo lizu emi asia; azini emi ma ovu awa’difo be.

Emi ma fu ani ma emini ma esele ovupi nyakuniru ’diyi: ali ’bazu pi, e’yo saaru onzikanyaruri pie, ava ruani pie, li onziri pie, li ’ba afasiri pie, ’di ekile Mungu andini inzizurile.

Emi odra ’bo, te idri emini ovu zizaru Kristo be tualu Mungu ma alia ’bo.

Te curu’do emi ma o’be e’yo ’diyi dria emi vusi ziri indi: ’aoko pi, adra pie, asi onzi pie, o’data pie, e’yo drinzani efupi emi tiliari pie.

Emi ma li inzo emi eselia ku, a’disiku emi tru ’ba okuri emi ruaa ’yeta erini be ’bo, azini emi su ’ba o’diru, ovupi ’bazaru o’diru zozu ani e’yo vazasi ovozu tro tro ’ba eri ’bapiri ma wurani ovulerileri ’bo indi.

Agu­pi, emi ma le oku emini avasi, azini emi ma ovu asi okaru be yi vu ku.

Anzi, emi ma inzi ’ba emi tipi I’diyi e’yo dria ma alia, a’disiku e’yo I’diri ayiko fe Opi dri tu.

Oku, emi ma inzi agupi emini, te onyiru Opi ma aliarile.