Versets bíblics populars de गलातियों 4

Comparteix

अवे असी जे तिन्हेरे अपणे औलाद हिन इधेरे तांइ परमेश्वर ने अपणे आत्‍मा जो असा रे दिल बिच पाए रा है, जे असा जो ओ अब्बा ते ओ पिता करी के पुकारदा। इधेरे तांइ तुसा अवे गुलाम नी बल्कि परमेश्वर री औलाद है, ते जां तुसा परमेश्वर री औलाद्दां ठैहरे तां तुसा से सारी चीजां हासिल करणी जे परमेश्वर ने अपणी औलाद्दां जो दैणे रा वादा कित्ते रा है।

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया। ताकि जे मणू मूसा रे कानून रे वस बिच रैह्णे वाले लोक्कां जो अजादी देई दे ते तिन्हा ने असा जो अपणे बच्चेयां सांई गोद लेई लित्ता।

पर अवे ता असा ने परमेश्वर जो जाणी लित्ते रा है, बल्कि इय्यां बोलणा जादा सही होणा कि पैल्ले परमेश्वर ने असा कने रिस्ता बणाया। तां फिरी किय्यां तिस कमजोर ते सुरुआती शिक्षा पास्से मुड़ी सकदे? तुसा फिरी किजो तिन्हेरे गुलाम बणना चाह्‍ंदे?