Versets bíblics populars de इफिसियों 2

Comparteix

किजोकी परमेश्वर ने असा जो बणाए रा है ते मसीह यीशु रे जरिये तिन्हा नौए मणू सांई तिन्हा भले कम्मां जो करणे तांइ बणाए गेरे हिन जिन्हा जो परमेश्वर ने इधेरे तांइ तैयार कित्ता कि असी से पूरे करण।

परमेश्वर ने तुसा जो अपणे अनुग्रह ते तुसा रे मसीह यीशु बिच विश्वास करणे री वजह कने छुटकारा दित्तेया। तुसा अप्पु छुटकारा नी पाया, पर ए परमेश्वर रा दान है। ए तुसा रे भले कम्मां रा नतीज्जा नी है, इधेरे तांइ तुसा का इस पर घंमड करणे री कोई वजह नी है।

पर परमेश्वर दया कने भरपूर थिये। असी अपणे पाप्पां री वजह कने मुर्देयां सांई थिये, पर परमेश्वर ने असा कने इन्ना जादा प्यार कित्तेया कि तिन्हा ने असा जो मसीह कने फिरी जिन्दा कित्तेया ते असा जो अपणे तिस अनुग्रह कने असा जो बचाया जिसेरे काबिल असी नी हिन।

परमेश्वर ने असा जो मसीह यीशु कने मुर्देयां बिच का जिन्दा कित्ते रा है, ते मसीह यीशु कने असा रा रिस्ता होणे री वजह कने तिन्हा ने असा जो मसीह यीशु कने स्वर्ग बिच इक्क जगाह् भी दित्ते री है।

इधेरे तांइ अवे तुसा गैर यहूदी मणू अनजाण ते परदेसी नी रे पर अवे तुसा परमेश्वर रे लोक्कां कने मिली गेरे हिन ते अवे तुसा परमेश्वर रे परिवार रा हिस्सा हिन। कन्ने मिली करी असी परमेश्वर रा घर हिन जे प्रेरितां ते भविष्यद्वक्तां री नीं पर बणे रा है ते तिस नीं रा पत्थर अप्पु मसीह यीशु हिन।