Versets bíblics populars de कुलुस्सियों 1

Comparteix

किजोकी परमेश्वर ने अप्पु ही तिन्हेरे पुत्तर री कुर्बानी रे जरिये, असा जो छुटकारा दित्तेया, यानी पाप्पां री माफी दित्ती, ते असा जो शैतान रे काबू का छुड़ाया। ते अपणे प्यारे पुत्तर रे राज बिच लेई आए।

किजोकी तिन्हेरे जरिये ही परमेश्वर ने आसमान ते धरती बिच हर इक्क चीज जो बणाया, चाए से दिख्खे री होण या अणदिख्खी, चाए सिंहासन, चाए मालक, चाए प्रधानतां, चाए हक, सारी चीजां तिन्हेरे ही जरिए बणाई गयी ताकि हर इक्क चीज तिन्हेरी बड़ाई करे।

कुसकी भी चीज रे बणाए जाणे रे पैल्ले का ही परमेश्वर रे पुत्तर रा वजूद है, ते तिन्हेरे जरिये ही सारा ब्रम्हांड इक्क कठ बिच कम्म करेया करदा है।

कोई भी परमेश्वर जो नी दिख्खी सकदा, पर जां तिन्हेरे पुत्तर ने इक्क मणू रे रुप बिच जन्म लित्ता, तां तिसने परमेश्वर जो लोक्कां पर ज़ाहिर कित्ता किजोकी से अप्पु परमेश्वर रे स्वरूप बिच है। परमेश्वर रा पुत्तर पूरे ब्रम्हांड रे बणाए जाणे रे पैल्ले का है, ते परमेश्वर री बणाए री हर चीज पर तिन्हेरा हक है।

इधेरे तांइ जां रा असी तुसा रे बारे बिच सुणे रा है, तां का ही असी तुसा तांइ प्रार्थना करदे रैहन्दे। असी परमेश्वर का हमेसा प्रार्थना करदे कि से तुसा जो पूरी समझ ते आत्मिक बुद्वी ते समजदारी दैण ताकि तुसा तिन्हेरी इच्छा जो समजी सको। तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।