Versets bíblics populars de 2 कुरुन्थियों 4

Comparteix

अते असा तां दिख्खी री चीजां जो नी पर अण-दिख्खी चीजां जो दिखदे रैह्‍न्दे, किजोकी दिख्खी री चीजां थोड़े ही रोज री हिन, पर अणदिख्खी चीजां हमेसा बणी रेह्न्दी।

इधेरे तांइ असी हिम्मत नी हारदे, हालांकि असा रा सरीर मुकेया करदा है पर असा अंदर असा री आत्‍मा हर रोज नौई हुंदी जांदी। किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

असी चौं पास्से का तकलिफां ता भोगदे, पर असी खतरे बिच नी पैंदे। असी घबराये रे ता हिन, पर निरास नी हिन। सताए ता जान्दे, पर छड्डे नी जांदे, झुकाये तां जांदे, पर नास नी होये हिन

असी मिट्टी रे भांडेया सांई हिन जिन्हा बिच इस धन्न जो जमा करी के रख्खेया गे रा है, किजोकी ए असीम ताकत असा रे पास्से का नी पर परमेश्वर रे पास्से का है।

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।