Versets bíblics populars de Loma 3

Comparteix

Mambo bonse balenga mambo, kabiji bapelelelatu ne kufika ku lukumo lwa Lesa ne. Pakubinga bebabingishatu ku bupe bwanji monka mu bukuuzhi bwa mwi Kilishitu Yesu.

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

Ye a mwesheshe Lesa amba ekale mfuto ya mambo, ya mu lwitabilo lwa mu mashi anji. Mu kumwesha bololoke bwa Lesa bwa kulekela ao mambo a lengelwe kala, monka mu kukooka muchima kwa Lesa. Naamba namba mambo a kumwesha bololoke bwanji pa kyo kino kimye, amba mwine ekale waoloka, ne wakumubingisha awa waitabila mwi Yesu.

Mambo kafwako muntu nangwa umo ukabingila mu mingilo ya mu Mizhilo ku meso a Lesa ne; mambo mu Mizhilo mo muyukanyikilwa bundengamambo.

Monka mo kyanembelwa amba, “Kafwako waoloka, nangwa umotu ne, kafwako wakwatakanya ne, kafwako ukeba Lesa ne. Bonse basenduka, bonse ba aluka ke batu; kafwako uba byawama ne, nangwa umotu ne.

Onkao mambo atweba twa amba namba, muntu ubingila ku lwitabilo kwakubula mingilo ya mu Mizhilo.

Abyo ne! Lesa ekale wa kine nangwa bantu bonse baikala ke ba bubela. Monka mo kyanembelwa amba, “Bemubingishe mu byambo byenu, kabiji mukabingishiwa pa kwiya mukije.”