Versets bíblics populars de Loma 14

Comparteix

Mambo bufumu bwa Lesa kechi buji mu bya kuja nangwa mu bya kutoma ne, poso mu bololoke ne mutende ne lusekelo mwi aye Mupashi Wazhila. Mambo awa umwingijila Kilishitu byonkabye, ye utokesha Lesa pa muchima, ne kwitabilwa ku bantu pamo.

Umvwe twaikala na bumi, twamwikajila Nkambo, kabiji inge twafwa, twafwila Nkambo. Byonkabyo nangwa twaikala na bumi, nangwa twafwa, twi bakwa Nkambo.

Byonkabyo pano tulonde abya bintu bileta mutende ne bya kwikosesha atweba bene na bene.

Byonkabyo pano kechi twizhachishe atweba bene na bene ne. Poso mupwishishe jimo kino kintu amba, muntu nangwa umo kechi atuule mu jishinda ja mulongo wanji kya kwituntulako ne, nangwa kya kumukatazha ne.

Mambo kyanembwa amba, Aye Nkambo amba, “Byonka byo naikala na bumi, manungo onse aka mfukamina amiwa, ne njimi yonse iketaba amba amiwa ne Lesa.” Byonkabyo atweba bonse umo umo tukeambila mambo kwi Lesa.

Kabiji awa wanekena mu lwitabilo mutambulai, kechi na mambo a kulengulula moalangulukila ne.

Obewa yobe ng'anyi byo uzhachisha wamwingilo wa ungi? O mambo a Nkambo yanji mwine nangwa waimana, nangwa wapona. Kine, ukemikwa; mambo aye Nkambo uji na bulume bwa kumwimika.