Versets bíblics populars de Loma 12

Comparteix

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

Byonkabyo anweba bakwetu, ne musashijila na bya lusa lwa Lesa, namba mulambule mibiji yenu, ke kitapisho kyumi, kyazhila, kyaitabilwa kwi Lesa, kokunemeka Lesa kwenu kwa mu muchima.

Sekelai mu luketekelo, tekanyai mu bya malwa, kasa mukelwa mu milombelo.

Kechi mushindwe na bubi ne, poso mushinde bubi na byawama.

Mu butemwe bwa balongo kasa mwitemwisha na lusa anweba bene na bene, mu buneme namo kasa mwinemeka anweba bene na bene.

Butemwe bwikale bwa kubula bujimbijimbi. Shikwai byatama, kakachilai kyawama.

Umvwe kyakonsheka kubiwa, monka mwayila bulume bwenu, mwikale mu mutende na bantu bonse.

Anweba batemwe, kechi mushinkanye ne, bino lekai bukaji bwa Lesa bwingile. Mambo kyanembwa amba, “Kushinkanya ko kwami, amiwa yami nkashinkanya, byo byaamba Nkambo.”

Kechi mube mukose pafwainwa kuuba lupata ne, mwikale na muchima walupata, ingijilai Nkambo.

Mambo amiwa naambila monka mwayila bupe bonapewa ku bonse ba mwi anweba. Namba kechi mwilanguluke kukilapo pomwafwainwa kwilangulukila ne. Poso mulangulukenga byonka byafwainwa kulanguluka, monka mo emupimina Lesa pa muntu pa muntu kipimo kya lwitabilo.

Kechi mushinkanye kibi na kibi kikwabo nangwa na muntu umo ne. Langulukilai jimo bintu bikawama ku meso a bantu bonse.

Ikalai na muchima umo anweba bene na bene. Kechi muteshe michima yenu ku bya kwitumbijika ne, swai kutambula mingilo yasulwa. Kechi mwilanguluke anweba bene amba mwi bamaana ne.

Bino “umvwe mulwanyi wobe wafwa nzala, umujishe; umvwe wafwa kilaka, mupe bya kutoma. Mambo pakuba bibye wauba nobe wabiika makala pa mutwe wanji.”

Bapeshai bemumanyika, peshai, kufing'ang'ana ne. Sekelai na boba babena kusekela, jilai na boba babena kujila.

Panai ku bazhijikwa bakajilwa kabiji ikalai na muchima wa kutambwila benyi.

Mambo byonka byo tuji na bya mubiji byavula mu mubiji umo, ne byonse kechi biji na mwingilo umotu ne. Byonkabyo ne atweba, nangwa twavula, twi mubiji umo mwi Kilishitu, ne pa muntu pa muntu, bonse twi bamo.