Versets bíblics populars de Yoano 3

Comparteix

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Mambo Lesa kechi watumine Mwananji pano pantanda mu kwibazhachisha ba pano pantanda ne, poso amba ba pano pantanda bapulukile mwi aye.

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Aye wamwitabila kechi wazhatwa ne, pakuba awa wabula kwitabila wazhatwa kala, mambo kechi waitabila mu jizhina ja Mwana Lesa yenkawa umo ne.

Kabiji kuzhatwa ko ko kuno, amba kyeya kyaiya pano pantanda, kabiji bantu batemwako mfishi kechi batemwa kyeya ne, mambo byubilo byabo byatama.

Aye wafwainwa kuya na kutumbalala, amiwa nafwainwa kuya na kupeela.”

Byonkabo bonse boba byatama bashikwa kyeya, ne kwiya ku kyeya ne, kuchiina amba byubilo byabo byakasoloka.

Aye wamwitabila Mwana ye uji na bumi bwa myaka, pakuba aye ubula kukookela Mwana kechi akamone bumi ne, ne bukaji bwa Lesa bwaikala pe aye.

Kabiji byonka byaimikile Mosesa mulolo mungyetu, byo kyafwainwa ne Mwana Muntu akemikwe byonkabya

Shanji watemwa Mwananji, kabiji wabiika byonse mu maboko anji.