Versets bíblics populars de Byubilo 3

Comparteix

Byonkabyo lapilai, ne kwaluluka, mambo enu afuchiwe

Pakuba Petelo wa ambile amba, “Siliva ne a ngolode kechi nji nabyo ne, pakuba kyonji naakyo, nsakwimupa. Mu jizhina ja Yesu Kilishitu mwina Nazala, imanai mwende.”

Ne aye wamukwachile pa kuboko kwa kilujo, ne kumwimanya; ponkapo maulu anji ne tupokoso twanji byakosele. Ne aye wakilukile, ne kwimana, ne kwenda kaende; ne kutwela watwelele naabo mu nzubo ya Lesa, kasa enda ne kukilauka, ne kutota Lesa.

Kabiji mu lwitabilo lwa mu jizhina janji, uno muntu yemwamona, ne alwa lwitabilo luji mwi aye, lo lwamupa buno butuntulu ku meso enu anweba bonse.”