Versets bíblics populars de MATIU 24

Comparteix

Jifa hinda nyamu wielei a gulɔ hu gbi, ndomɛi na numu gboto ti piengɔ a ti nyɔunyɔ, hu a haalɔ. Kɛɛ numui na a liilo i to yeekɛlɛmɛi a bawolɔ.

Tawao Ngowili Yekpei ji kɔlooni Ngewɔ Mahayɛi ma a lelɔ dunyei hu gbi aako numui gbi ti mɛni; na wooma kɛ haa-hindeisia ti gɛlɛmɛi i hitinga.

Wa kɔisia gɔwoi mɛnilɔ wu gblanga kɛɛ kɔisia ti malɔwɔi kuhama; kɛɛ wu lii aa hɛlɛ; ajifa hindei jisia nyɔkɔ ta wielɔ huɛɛŋ kɛɛ tɛɛ kɛ kɛ kɛlɛmɛi i hitinga ma.

Kɛnyɛisia ta gɔlɔ a ti nyɔunyɔ, ndɔleisia ta lapi a ti nyɔunyɔ. Ndɔleisia ta walɔ tawao ndɔɔlei a gbɛlilɔ hu gbi; Hindei jisia kpɛlɛɛ ta wielɔ kia ndo-le-goohu-gbalei lɔtomɛi i na.

Ngelegoohu tia dunyei ta gbɔyɔlɔ kɛɛ nya layie ɛɛ nyani.

Gbamaile numu gboto ta walɔ ta nya biyei wumbu, ta nde tɛɛ, ‘Ngewɔ Maha Heingɔi lɔ a nge!’ tawao ta numu gboto yakalɔ.

“Yeewatii na, wu juwuisia ta wu houlɔ ti wu ve mahubleisia wɛ kpalɛ lava wu ma kɛɛ wu waava. Nuuvui gbi ta lololɔ a wue jifa wu langɔ a nge. Nya woomablaa gboto ta gbelɔ a lala a nge; ta ti nyɔunyɔ velɔ, ti lolo a ti nyɔunyɔ. Ndɛɛ Yewɔ lutui gboto ta gbɔkulɔ tawao ta numu gboto yakalɔ.

Yesu kpɛmboilɔ yɛ, “A wu mahugbe numu gbi aa wu yaka.

Faale wu valangɔ i yɛla kpele gbi, ajifa nya nya Nuuvu Hindoloi nga wa a watii na lɔ wu lii gbi ii ma.

Faale, wu valangɔ i yɛla, gbamaile wuii foloi na gɔɔ nya wu Lemɔi a nge nga wa.

“Kɛɛ numu gbi ii kɔɔ migbe lɔ lɔwɔi na a hiti ma, malikeisia vulii bɛɛ ti ngelegoohu tii kɔɔ; nya nya Ngewɔ Hindoloi ngii kɔɔ, mu Kɛkɛ Ngewɔ yakpe mia i kɔɔngɔ.

Gbamaile ndɛɛ Yewɔ Maha Heingɔisia kɛɛ ndɛɛ Yewɔ lutuisia ta gbɔkulɔ tawao ta kabande hinda waawaangaa wielɔ aako nasia vulii bɛɛ Ngewɔ i loko longa ti ma ti bawova ti ti yaka, ina ti guilɔ.

Kia i wieni Noa watii hu, hii a wie Nuuvu Hindoloi wa-gbelei ma. Ajifa pɛiŋ wɔɔ njavei i yaa waa, nungaa ti yɛlɔ a mɛhɛɛ mɛ, ta ndɔ gboli, ta nyahangaa jɔɔ, ta nyahangaa ve hiingaa wɛ, i to foloi na ma Noa i wuaani ndɛndɛi hu. Tii yɛ magɔni gbɔɔ i wiema i lohu njavei i wa i ti gbi waa. Hii mia a wie a nya nya Nuuvu Hindoloi nya wa-gbelei.