Versets bíblics populars de Vaheberu 11

Comparteix

Kutani-ke, kupfumela i kutshemba lokutiyeke henhla ka svilo lesvilanguteliwaka, ni kukholwa svinene hi tlhelo ra svilo lesvingavoniwiki. Hikuva hakona, vanhu va khale vakumile vumboni bzinene.

kutani handle ka kupfumela asvikoteki kutsakisa Xikwembu. Mani na mani lweyi alavaka kutshinelela Xikwembu afanele kupfumela lesvaku xiko na, ni lesvaku xihakela lava vaxilavaka.

Hi kupfumela, hitwisisa lesvaku tilo ni misava svitumbuluxiwile hi rito ra Xikwembu, hi lesvaku lesvivoniwaka sviyendliwile svihuma ka lesvingavoniwiki.

Hi kupfumela, Abrahamu, siku leri avitaniweke ha rona kurhurha aya tikweni leri Xikwembu aximutshembisile rona, ayingisile, arhurha hambilesvi aangakutivi lomu ayakakona. Hi kupfumela, atshamile tikweni leri atshembisiweke rona afana ni muluveli tikweni ra van'wana, ahanya matendeni na ali na Izaki na Yakobe, vajandzhaka va xitshembiso xin'we ni xa yena.

Hi kupfumela, Nowa ayingisile svinene loko Xikwembu ximutivisa lesvi asvingasivoneka; kutani ayaka ngalawa kutaponisa va njangu wa yena; hi kuyendla svosvo, ayavanyisile misava, ava ayamukela kululama loku kunyikiwaka hi mhaka ya kupfumela.

Hi kupfumela, Enoki atlakuliwile aya henhla, lesvaku atakala angavoni rifu; kutani angahavoniwanga, hikuva Xikwembu aximutekile. Aali ni kupfumela, hikuva loko angasitlakuliwa aya henhla, akumile vumboni bza lesvaku “aatsakisile Xikwembu”

Hi kupfumela, Abele ahumesele Xikwembu timhamba letiyamukelekeke kutlula ta Kayini, kutani hikolaho ka svona akumile vumboni bzinene avuliwa lweyi alulameke, Xikwembu na xili karhi xitiyisa svosvo hi kuyamukela tinyiko ta yena. Afile, kambe hi mhaka ya kupfumela ka yena, wahavulavula.

Hi kupfumela, Sara hi xiviri asvikotile kuxurha nyimba hambilesvi aali mhika, na ahundzeliwile hi nkarhi, hikuva ativile lesvaku lweyi amutshembiseke watshembeka.

Mhaka hi lesvaku aalangutela doropa leringa ni masungulu lamanene, leri muyaki ni muyendli wa rona xinga Xikwembu.

Hi kupfumela, Moxe, loko akulile, ayalile kuvuliwa n'wana wa n'wana waxisati wa Faro. Matshan'wini ya svosvo, atihlawulele kuxaniseka svin'we ni vanhu va Xikwembu, handle ka kutitsakisa nkarhinyana hi kuhanya kujoheni. Ayehleketile lesvaku kurhuketeliwa hikolaho ka Mesiya i rifuwo leritlulaka vukosi hinkwabzu bza Gibita, hikuva aalangutela hakelo leyi yahataka. Hi kupfumela, Moxe asukile tikweni ra Gibita na angachavi vukarhi bza hosi, hikuva atiyiselile ingi hi loko ali karhi avona lweyi angavoniwiki.

Hi kupfumela, Abrahamu, siku leri aringiweke ha rona, anyiketile Izaki alitarini. Abrahamu aanyikiwile svitshembiso, kambe atiya ahumesa mhamba hi n'wana wa yena yelweyi wa mun'we

Hi kupfumela, Rahabi lweyi wa nghwavana angalovanga ni lava vangayala kuyingisa, hikuva ayamukelile vahloli hi malwandla.

Hi kupfumela, Vaisrayele vatsemakanyile Lwandle Ropshuka kufana ni laha kuwomeke. Kambe loko Vagibita varingetile kuyendla svosvo, vamintiwile hi mati.

Hi kupfumela, rithangu ra doropa ra Yeriko rihirimuxiwile, ndzhaku ka loko rirhendzeliwile hi masiku ya ntlhanu ni mambirhi.

Hi kupfumela, alungisile Paska, an'watsekela asvipfalu hi ngati lesvaku Mudlayi wa mativula angakhumbi mativula ya Vaisrayele.

Hi kupfumela, Yosefa, kuheteleleni ka vutomi bza yena, avulile ta kuhuma ka Vaisrayele tikweni ra Gibita, kutani alerisa lesvi vafanelaka kuyendla svona hi marhambu ya yena.

Hi kupfumela, Yakobe, loko ali karhi afa, akatekisile mun'wana ni mun'wana wa vana va Yosefa, akhongela na atiseketelile henhla ka nhonga ya yena.

Hi kupfumela, Izaki akatekisile Yakobe na Esawu mayelanu ni lesvi asvahatahumelela mahlweni.