Versets bíblics populars de Va le Efesa 6

Comparteix

Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni.

Yendlani hinkwasvu lesvi hi kukhongela, mikombela kupfuniwa hi Xikwembu; khongelani minkama hinkwayu hilaha Moya wumiletelaka hakona. Hikolaho, tshamani na mihiteka, mingakarhali kukhongelela vahlawuliwa va Xikwembu hinkwavu.

Yambalani svisirhelelo ni matlhari hinkwawu lawa Xikwembu ximinyikaka wona, lesvaku mitakota kuyima milwa ni mindzingo yobiha ya Diyavulosi.

Hikolaho tamelani svisirhelelo ni matlhari hinkwawu ya Xikwembu na wahali nkama, lesvaku mitakota kutilwela hi siku ra khombo; kutani loko mitava milwile kuyafika makumu, mitatikuma na mahatiyile.

Minkama hinkwayu, rhwalani kupfumela, xiva xisirhelelo xa n'wina, kutani mitakota kutimela ha xona mimpaxwa hinkwayu leyipfurhaka ya nala. Yamukelani kuponisiwa, xiva xigqoko xa n'wina xa le nhlokweni, kutani Rito ra Xikwembu riva tlhari ra n'wina leri Moya wuminyikaka rona.

Loko svilitano, tshamani na mitilulamisile. Tikhameni hi ntiyiso wuva bandi ra n'wina. Yambalani kululama xiva xisirhelelo xa n'wina xa le xifuveni, ni kuhisekela kupaluxa Evhangeli ya kurhula kuva masandhazi ya n'wina.

Kuheteleleni nili, tiyani svinene, minamarhela Hosi, mitiseketela hi ntamu wa yona lowungatsandziwiki hi nchumu.

Matsalwa mali: “Uxixima tatana wa wena ni mamana wa wena” (hi wona Nawu loworhanga lowunga ni xitshembiso), “akuva ukateka, ni lesvaku uhanya masiku layotala misaveni leyi.”

Vana, yingisani vapsali va n'wina, hikuva hi svona lesvilulameke mahlweni ka Hosi.