Versets bíblics populars de I Petrosi 2

Comparteix

Kambe n'wina, mi rixaka lerihlawuliweke, mi vaprista va Hosi, mi tiko lerihlawulekeke, vanhu lavanga va Xikwembu hi ntiyiso, lesvaku mitakota kutwalisa mintirho leyosaseka ya lweyi amivitaneke kuhuma munyameni, mitanghena kuvonakaleni ka yena loku kuhlamalisaka.

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena. Khale, amipepetseka kufana ni tinyempfu, kambe svosvi mivuyile ka bixopo ni mulanguteli wa mimoya ya n'wina.

Khale amingali tiko, kambe svosvi mi tiko ra Xikwembu; khale amingatsetseleliwi, kambe svosvi mikumile kutsetseleliwa.

Kufana ni vatsongwana lava vahakuvelekiwaka, mifanele kunavela ntswamba lowubaseke wa moya, lesvaku ha wona mitakota kukula miya kuponisiweni

Varhandziwa, lesvi minga vatshami ni vayendzi misaveni, namikhongotela hi matimba lesvaku mihambana ni kunavela ka miri, lokulwaka ni mimoya ya n'wina. Hanyani hi mukhuva lowolulama xikarhi ka vamatiko, lesvaku loko vatshuka vamilumbeta, vaku mivajohi, vatavona mintirho ya n'wina leyosaseka, vadzunisa Xikwembu, hi siku leri xingatata ha rona.

Kutani, kufana ni maribze lamahanyaka, na n'wina mifanele kuyakiwa miyendla yindlo ya moya, lesvaku mitava vaprista lavahlawulekeke, mihumesa timhamba ta moya letiyamukelekaka ka Xikwembu ha Yesu Kriste.

Hikolaho, tshikani mona hinkwawu, ni vubihi hinkwabzu, ni vukanganyisi, ni mavondzo, ni kulumbeta hinkwaku.

Tanani ka yena, hikuva yena i ribze lerihanyaka, lerinyenyiweke hi vanhu, kasi mahlweni ka Xikwembu hi lerihlawuliweke, ra risima.

Hanyani kufana ni vanhu lavatshunxekeke; mingatekeni kutshunxeka ka n'wina yili ndlela yokanganyisa ha yona, yoyendla lesvobiha, kambe hanyani kufana ni vatirhi va Xikwembu.

Hikuva i kurhandza ka Xikwembu lesvaku, hi kuyendla lesvolulama, mitamiyeta lavangativiki nchumu, hi mhaka ya vuphukuphuku bza vona.