Versets bíblics populars de Kîam 25

Comparteix

MWATHANI aramwîra atîrî, “Mîgongo îîrî îrî kîu gîaaku. Ûgaaciara antû baîrî nabo batîgwatanagîra; ûmwe agaakîria ûngî inya na ûrîa mûkûrû akaa nthûûmba ya ûrîa mwanake.”

Esaû areera Jakubu atîrî, “Ndûmia gîtweero kîu kîa nthoroko intuune, nîûntû ndî na mpara îmbîî.” (Kîu nîkîo gîtûmi eetîrwe Edomu)

Isaaka nî aarombere MWATHANI nîûntû bwa mwekûrû waawe nîkwîthîrwa aarî nthaata. MWATHANI aaigîrue îromba rîaawe, na mwekûrû waawe Rebeka aragîa îu.

Esaû arauga atîrî, “Nandî ka ngûkua nî mpara; kiigai kîa ûrikithathi kîrî na gîtûmi kîrîkû kîrî ni?” Jakubu aramwîra “Amba ûciîtie.” Esaû araciîtia, atî akamwenderia kiigai kîaawe kîa ûrikithathi.

Mûtaana wa ng'ina aracoka arauma agwete Esaû gatakino. Nawe areetwa Jakubu. Isaaka aarî na ûkûrû bwa mîaka mîrongo îtaantatû (60) rîrîa Rebeka aaciarîre aana bau.

Isaaka nî eendeete Esaû, nîûntû nî eendeete kûrîa nyama irîa aathoogaga. Îndî Rebeka eendeete Jakubu.