Versets bíblics populars de AROMA 4

Comparteix

no rĩrĩ, aaroragia maitho o na harĩ wĩranĩro ũcio wa Ngai, na ndathanganie nĩ kwaga wĩtĩkio; agĩkĩgĩa na hinya nĩ ũndũ wa gwĩtĩkia, na akagoocaga Ngai, akĩmenyaga o mũno atĩ ũguo aamwĩrĩire o na kũũhingia ndarĩ hĩndĩ atangĩhota kũũhingia.

Amu Iburahimu ũcio-rĩ, o ta ũrĩa ũhoro wake wandĩkĩtwo, atĩ, Nĩngũtuĩte ithe wa ndũrĩrĩ nyingĩ-rĩ, maitho-inĩ ma Ũcio etĩkĩtie nĩwe ithe witũ ithuothe, o maitho-inĩ ma Ngai, we ũriũkagia arĩa makuĩte, na aaragia ũhoro wa maũndũ marĩa matarĩ ho o ta marĩ ho.

o we waneanirũo nĩ ũndũ wa mehia maitũ, na akĩriũkio nĩ getha tũtuwo athingu.

Nake Iburahimu, o na kũngĩtuĩka ũndũ ũcio erĩirũo ndũngĩĩrĩgĩrĩrĩka-rĩ, nĩaawĩtĩkirie, agĩgĩtũũra erĩgĩrĩire atĩ nĩagatuĩka ithe wa ndũrĩrĩ nyingĩ, kũringana o na ũhoro ũrĩa aaheirũo akĩĩrũo ũũ, Ũguo noguo a mbeũ yaku makaigana.

Nĩ ũndũ wa ũguo, ũthingu ũcio uumanaga na wĩtĩkio, nĩ getha wonekage no ũndũ wa Wega wa Ngai; nĩguo ũndũ ũrĩa mwĩranĩre wonekage hatarĩ nganja nĩ andũ othe a mbeũ ya Iburahimu, to arĩa maaheirũo ũhoro wa watho oiki no ningĩ arĩa o nao metĩkĩtie wĩtĩkio ta ũcio wake.

akiuga atĩrĩ, Andũ gũkena, nĩ arĩa moheirũo mawaganu mao, mehia mao magakĩhumbĩrũo. Gũkena-rĩ, nĩ mũndũ ũrĩa Mwathani atangĩtua mwĩhia.

Nĩ ũndũ-rĩ, tũthomaga atĩa Maandĩko-inĩ? Tũthomaga ũũ, Nake Iburahimu nĩetĩkirie Ngai, naguo ũndũ ũcio agĩtuĩrũo ta arĩ ũthingu e naguo.