Versets bíblics populars de IBUKU RĨA DANIELI 5

Comparteix

no nĩ kwĩnenehia weneneheirie Mwathani-wa-Igũrũ, ũgĩkĩrehithie o haha mbere yaku indo iria aarutagĩrũo wĩra nacio nyũmba-inĩ yake thĩinĩ, nawe wee mwene, mwĩ na aathani a bũrũri waku, na atumia aku, o na thuriya ciaku, mũkĩnyua ndibei nacio. O na ningĩ wee nĩũkumĩtie ngai iria cia betha, na cia thahabu, na cia gĩcango, na cia igera, na cia mbaũ, o na cia mahiga, o iria itonaga kana ikaigua, o na kana ikamenya ũndũ o na ũrĩkũ; no ndũigana kũgoocithia Ngai ũrĩa ũkũheaga mĩhũmũ ya muoyo na rũhĩ rũake we mwene, na akamenya mĩthiĩre yaku yothe.

Nacio ndemwa ici ciandĩkĩtwo ikuuga ũũ: MENE, MENE, TEKEL, UPHARSIN. Naguo ũtaũri wa ũhoro ũcio nĩguo ũyũ, MENE nĩ ta kuuga, Ngai nĩatarĩte mĩaka ya ũthamaki waku, na akaũnina. TEKEL nĩ ta kuuga, Wee-rĩ, nĩũthimĩtwo na ratiri, ũkonwo ũtarĩ mũkinyu. PERES nĩ ta kuuga, Ũthamaki waku nĩũgayũkanĩtio, ũkaheo Amedia na Aperisia.