Versets bíblics populars de رُومِیوں 1

Comparteix

کیوں جو مَیں اِنجِیل توں شرماں دا نئیں۔ ایس کر کے پئی اوہ ہر اِک دی نجات دے لئی۔ جیہڑا اِیمان لیاؤندا اے۔ پہلاں یہُودی تے فیر یُونانی دے لئی خُدا دی قُدرت اے۔

ایس لئی پئی خُدا دی راستبازی اِیمان توں تے اِیمان لئی اوہدے وِچ ظاہر ہوندی اے۔ جیویں لِکھیا ہویا اے۔ پئی راستباز اِیمان توں جیوے گا۔

کیوں جو دُنیا دی پَیدایش دے ویلیوں اوہدیاں صِفتاں جیہڑیاں دیکھیاں نئیں جاندِیاں یعنی اوہدی مُڈھ قدِیم دی قُدرت تے خُدائی۔ اوہدی بنائِیاں ہویاں شیواں دی راہِیں صاف ظاہر ہوندیاں نیں۔ ایتھوں توڑی پئی ایہہ بے عُذر نیں۔

کیوں جو اوہناں بھانویں خُدا نُوں پچھانیاں تے وی اوہدی خُدائی دے لائق اوہدی وڈیائی نا کِیتی۔ تے نا اوہدا شُکر کِیتا۔ سگوں اپنے بَھرماں وِچ نکمّے ہوگئے۔ نالے اوہناں دے بے سمجھ دِل ہنیرے ہوگئے۔

سو اوہناں خُدا دی سچیائی نُوں وَٹا کے جُھوٹھ بنا دِتّا۔ تے خلقت دی بندگی تے سیوا خالق نالوں وَدّھ کے کِیتی۔ جیہڑا سدا تِیکر مُبارک اے آمِین۔

کیوں جو خُدا دا غضب اوہناں بندیاں دی ساری بے دِینی تے ناراستی اُتّے اسمان توں ظاہر ہوندا اے۔ جیہڑے سچیائی نُوں ناراستی نال دباندے نیں۔

ایسے سببّوں خُدا نے اوہناں نُوں گندِیاں بَھیڑیاں خواہشاں وِچ چھڈ دِتّا پئی اوہناں دِیاں زنانِیاں اپنے اصلی کمّ نُوں چھڈ کے اوہ کمّ شُروع کِیتے جیہڑے قُدرت دے خلاف نیں۔ تے ایسے طرح بندے وی زنانِیاں نال اصلی کمّ چھڈ کے لُچ پُنے نال آپو وِچ مست ہوگئے۔ مرد نے مرد نال بے شرمی دے کمّ کِیتے۔ تے اپنی بدراہی دے لائق اپنے وِچ بدلہ پایا۔ تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

اوہ اپنے آپ نُوں عقل والے آکھ کے مُورکھ بن گئے۔ تے نا فنا ہون والے خُدا دے جلال نُوں فانی بندیاں تے پکھیرُواں تے چَوپایاں تے کِیڑے مکوڑیاں دی صُورت بنا دِتّی۔