Ari ibagma nei fam Allahn hiyag utuk lit, ”Alem ari fahet nindiyen haloho timin perikinon ari An oho noluk atisimu haren hiyap ari iraham atuk lit An nalukema siyag ane tuhu rohon ulug holohotma sok latikik. Ari fahet ketiya hiyap ino ahun An nawene uruk ahun nabi wereg angge re hahun ambeg lamihin ulug hiyag itmihin. Hiyag itmihinmu at inowen hat fahet oluk welaruhu ulug sembahyang uhu. Lamihin ulug hiyag itmihin fug halug hat men hori men war amuhup ane fahet holuk toho welaruhun,” ulug hiyag itfag.