Versets bíblics populars de ROMA 8

Comparteix

Tapi-manya ba i Ala na ma-patunggu-nya mbuu ndàbana, hi da-ngalangu wàngu mahàmu da tau da mambuha-nya Nyuna dàngu da pa-paauna nunjuya na pawuku memana.

Maa ba kuwai langatàka-maya duku, la nggubulu pinu tana: ka metiya, ka luriya, ka papalewa-ya, ka maningu kawahangu-ya, ka ma-pangàdungu la rehi nàhuya, hamanai ka ma-pangàdungu la rehi na manàmu-nyakai, jàka ndia da ma-kapingatu hawiangu-kai; ka maninja la awangu-hakai, hamanai ka maninja la unu tana-hakai, jàka ndia ka ngga - nggàra biaya hawiangu, mbuu ndàbada nuda nda da-ngalangu-a pa-pabeta-nya i Ala la pambuha-nda nyuta, hama tuna na pambàda paloha-nanda lai Karitu Yehu, na Mirinda.

Tuna numbu na Ngahuna i Ala ba na-mai pandula-ta jàka ta-maluputu. Maa ba nda tapi-dunya jàka nggiki wànda bàdi ba ta-hamayangu; na Ngahu wikima duna na ma-hurungu la hanggana i Ala pakarai ndumanda nyuta, ba nawàngu pa-kalijiru kare-nganya hi lupa nda pekuna la patiki-ya.

Nggikina wànda-njaka nàhu nuda mbuu ndàbada? Jàka na-angunda i Ala, jia nggamu-yakaka na ma-ndubaku-ta?

Nàhu nda ningu-apa hukungu ndumada nyuda da maluri pa-mbulungu dàngu i Karitu Yehu.

Jàka natauku-ya huri tolu na pangà-dangumu, metiya na hupu njàpuna. Na nyuna jàka natauku-ya Ngahuna i Ala, luriya dàngu papeku-ya hanggangu lai Ala.

Ndia-a! La mbuu ndàbada nuda, talu ailulu-mandanya nyuta rukuna Nyuna na mambuha-nda!

Pa-namatu-nya ba kuwàngu pakaka-aya, mbuu ndàbada da mayila da padeni-nda nàhu, nda ana pa-topangu-ana dàngu na ma-ngarangu na pa-bowangu-ta ngeru.

Ningu nu ma-ngalangu pa-pabeta-nya i Karitu la pambuha-nda nyuta? Na-ngalangu nu na handuka pa-pabeta-nya, jàka ndia na ma-kalutu, jàka ndia na ma-pakehangu, jàka ndia na rimbangu, jàka ndia na mila, jàka ndia na hanggàmaru, jàka ndia na meti?

Tàka i Ala na mapinya na wini eti tau, na-jàngapu-maya duna na pawuku-na i Ngahu; maa ba karai-nanya lai Ala nduma ba-njaruna i Ala dàngu na-patangangu-ma la pambuha-na i Ala.

Da tau pa-kapipi-na na Ngahuna i Ala, ana Ala-maha duda.

Da tau da maluri pa-namatungu la huri tolu, pangàda pangala-madanya na pa-rinjuna na huri tolu. Tàka da tau da maluri pa-namatungu la Ngahuna i Ala, pangàda pangala-madanya na parinju-na na Ngahuna i Ala.

Nda nahindi-mbuya na Ana wikina, tàka napuli-manya lumunda nyuta mbuu ndàbanda; nggikina-kaka hi nda nawua-ndaha hawiangu mbuu ndàbada?

Na Ngahuna i Ala jiaya na ma-angunya na ngahunda nyuta la papekaya ba ana Alata nyuta. Nu ba tuna, jàka na-ana-ndaka, ana ma-ngalangu kangeha-dutaka welingu la pa-bànjalu-na, maka-takuha napa da kanyuru pa-payema-na i Ala ndumada da anana. Napa angu nga-langunda dàngu i Karitu jàka nggàraha da pambàda payema-nanya paraïna i Ala; nadu jàka angu ngera-ndanya i Karitu la mayila-na, angu ngera-mbundanya napa la manga-ranguna.

Na tau na patauku huri tolu na pangàdangu-na, na-pamuhungu dàngu i Ala; rukuna ba nda nata-ngara la Ukuna i Ala; dàngu nda nanga-languma duna pa-tangara la Ukuna i Ala.

Nggu-buluna na-hanggubu awangu rinjungu nda ukuha ba danedi-nya na rehi pa-itangu-naha da anana paraïna i Ala.

Pi-mandanya ba kaingu-da padua-ka lundu nàhu mbutana na hanggubu awangu paraï pa-mayila hama tuna na mayila-na na haàtu ina la rehi habolangu-na anana.