Versets bíblics populars de DEDI 27

Comparteix

Màla àruwa i MIRI ka na wua-nggamu mburungu welingu la awangu, na matunya pa-kamboka wàngu na wokamu! Màla àru Nyuna ka nawua-nggau uhu nggàndumu dàngu angguru mabundu làndangu! Màla àru na banjaru dangu kau atanya dàngu na kabihu - kabihu banjaru ka na-karadaku lai nyumu. Màla àru kau ngia dita la nua la kalembi-mu mbuu ndàbana, dàngu da wàla wuana na inamu ka da-maràbaku la hanggamu. Màla àru ka nanggàna-ya ràtungu mbuu ndàbana na tau na maràtu-nggau dàngu ka pa-kanyuru-nya mbuu ndàbana na tau na ma-pakanyuru-nggau,” wàna.

Na-kataku-ya i Ehaü, “Yiana pa-nduangu wàngu-nanyaka pa-panyonga-ka. Mutalu-du hi Yakupu-ya na tamuna. Mbàda hàla-manaka nyuna papiti-ya na ngàba pa-maaya wànggu, tàka nàhu hili piti-nanyai na kanyuru tunggunggu nyungga làti. Màla ama nda hilu ningu mapa nu kanyuru hau tunggunggu nyungga?” wàna.

Tunaka nu ka panii-nanyaka i Ihàku lai nyuna, “Napa nda ningu-apa mburungu la awangu lai nyumu, napa nda ningu-apa woka ma-kamboka tunggumu nyumu. Napa luri wàngu-munya hapanda-amuka dumu nyumu, na nyuna ba tuna, nyumu naata-nggauka na erimu, tàka jàka mu-patula ngganggangu lai nyuna, napa mu-pahàlangu welingu la kuwaha-na,” wànanya.

I Ehaü nda na-pànjangu-ma pa-kamahi-nya na amana, “Ka jiama-ayaka ba hauna ama na kanyuru-mu? Pa-kanyuru àrunggai duku ama!” wàna. Hàla hili hii-mananyai.