Versets bíblics populars de OROMA 2

Comparteix

Nineenu aret me, wologwe! Kit togon togop aret eeko logonet kwe, it ambi eekwi iinok mban maluk agago piigwi kiinok ti, kit kunduk onggo maluk eekkinabigin lek nduk yogo ogotik ya? At Ala nen onggo mbet-mbet maluk eeppinagaga'lek kinabuwa nen iniki yanggoppunuk, puk aret wonage me, at oone ti meek eerogo puurak nduk yogo ogotik? Kit maluk eekwi kiniki koombunuk, mbo pubagip nduk, kinabuwa nen tokkiige yi kogo ogotik?

Noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologwe yi kogo ogotik?

At Ala ti, aakumi ineebe obeelom kero mban maleninakeelik me, togop aret eeginabigin o.

At Ala nen Muta yoreegerak wone nogo ti, we inaruk mban konenggwi paga lek o. Ata, inikime nen liirogon wappunuk eebe aret eerit nogwe paga Ala nen, ”Aap ti obeelom aret kagi o,” yinuk, mbake menggerak.

At Ala nen eerumenggaarak ndak-ndak aret onggo wogoraagin o.

Ndi, it ando inobalombok mban eekkoloorak koombunuk eerit nogo logonet, Ala wone yereegerak nogo mugurok naga'lek, maluk mban eekwi iinok perak, Ala nen, ”Aap yi abu maluk aret o,” yinuk, anini nen maluk eeginabigin.

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo aganake ti eyom paga abunuk nggwok togon eekkinaburak nduk eekkologwe kiigi o.