Versets bíblics populars de OROMA 11

Comparteix

”Yi mendek ndi mendek at nen mban wakkagagerak me, abok aret unde wonage kenok, Wi! yinuk, pi wako logowak nduk, wonage me, mondok at mban tiyappogo logowok o,” yinuk, amin.

Ala iniki warak lombok nen yi wone ndi wone eenu menggerak me, oba ngginik kagak obeelom eeppinanit wundi wage menggerak me, iya! At iniki koombunuk eeke menggerak nit nen piiniyak op mbakop? Ndi, at eeke menggerak nit nineenu ariyak op mbakop?

Lek o. Ala yoge kagak aap ambi nen ari logonet, ”Ninogoba Ala iniki mbake nogo nineenu me nduk yogo ogotik? Ndi, nit niniki mbakwi nogo eeruwak nduk, Yogop eeru, ndogop eeru, yinuk, Ala yoriyak op mbakop?

Ti eereegerak pogom yogondak Ala inabuwa mbake menggerak me, ando mbuuluk aret miirinabeegerak wonogwe o. Ala nen it miirinabeegerak nogo ti, it obeelom eekwi iinok, miirinabeegerak lek o. Ata, inabuwa mbake nagagirik, miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa mbake logonet, miirinabeegerak nogo pilit aret mba'netak.

Nggilipe abe aakumi nen yarak nogo mendek eno'mbak pendenogo mbo nappunuk, obaane'me endekem penaame mendek ero paga kumbi wogwe iinok, amburu inikime nage logonet, mondok kwit agan lagangge minggi kwak, kit endekem konenggulik mendek kwe, togop aret logobagip nduk, kumbinagi wagagerak. Togop me, ”Eno'mbak pendenak obaane'me nit endekem mendek kumbinaneegerak me, nit iya o,” yinuk, wogoppatugup o. ”Nit ero aret me, eno'mbak pendenogo kumbinani wagagerak,” mbarugup o. Ata, ”Nit eno'mbak me, ero paga kumbinani wagagerak,” yinuk, mbako logonip o.