Versets bíblics populars de MARAKUT 14

Comparteix

Ai, nogoba. Kat yi mendek ndi mendek abok eeriyak op mban me, ee'naburak amburu toolak an porogo wonage yi wamen o. An niniki mba'nuk eerigin ti lek o. Kat kiniki mba'nuk aret eeriyak o,” yinuk, tamban eereegerak.

Kiniki nen obeelom eeriyak mbakwi kwe, nineebe nen eeriyak meek ee'ninake menggerak me, maluk eeriyak kiniki nggagani wage kero, tum wako logonet, tamban mban eeko logonip o,” yinuk, yoreegerak.

Obeelom wone wonok yi awi ndi awi yoranet nugu logonet, kwe yi ee'nakerak nogo, aberak logowak nduk, yoranet nugu logogun o, yinuk, abet aret yokkirage agarik o,” yoragagerak.

Age nagagirik, ”Wologo wae. An niniki puru ari logonet, kambuurak ee'nake me, kit yime logonet, tum wako logonip o.”

Yorage nagagirik, mbi nonggo logonet, at Yetut nogo nen roti mbi eenggim wagangge nagagirik, ”Nogoba Ala wa,” yinuk, tamban eeke nagagirik, karerogo wogoragagerak. Karerogo wogorage nagagirik, ”Yi an neebe aret me, wanip o,” yoragagerak.

Yorage nagagirik, amburu niyowa'na toolak nogo eenggim wagangge nagagirik, ”Nogoba Ala wa,” yinuk, wogorage mbareegi, it abok aret nunggugwaarak. Nonggo nogogwaarik, ”Ala kinom lambumbinagarak nduk wone abok yokkirage nogo, kit abet mbarubagip nduk, kit aakumi abok kinake namiya kilirik yi aret o.

Lagi nogo nogogwaarik, at Yetut nogo nen yorage logonet, ”At Ala nen ndomba wam inarum menggerak nogo wake mbariminggi, wam nogo kole maa'narugun o, yinuk, yereegerak liiru mbaneegerak me, kit abok aret, kineebi nen teppaninuk aret mbaganumunggup kwe

At neebe nooruwak nduk nonggo nggerenggerak nogo abu koorok aret wagaarak me, nawok nduk mi'nanip o,” yoragagerak.

Yoge mbareegi, at Yetut nen, ”Yogondak oonikiya towe ayam oone ne mbere paga yikit nduk eeke kagak, kat ne kenagan paga, Yetut ti an neenggo'lek, yumunggun o, yinuk, abet aret yokkege agarik o.”