Versets bíblics populars de LUKAT 8

Comparteix

Ndi, nggween mili paga wambit nagagerak nogo ti, it aakumi wone konembunuk, iniki abe lombok paga pipak waganggo nagaatik, nabenak mban eeko logonet, anggen yikkologo menggaarak nogo aret o,” yinuk, yoragagerak.

Iri'ngga alookwi me wambit nagagerak nogo ti, it aakumi wone inaruk konenggwi kwe, ambi eeriyak nduk, Ao, yinuk, iniki piirik wonogwe, ineenggi warak eekkoloorak mban iniki aberit nugwi, nggween paga ale'nggen logorak mban iniki koonit nugwi, eerit nugu logonet, wone yugu mbanogo wuppogo menggaarak nogo aret o. Anggen abe mendek abu yugulik aret menggaarak.

Ndi, yugum eeri paga wambit nagagerak nogo ti, it aakumi Ala wone konembunuk, inale'nggen logonet, Ala wone waganggo nagaatik, luulu abet mbakwi kwe, inikime awi liirogon yakkoloolik me, peebi iniki abut mbangge eyom paga mbo pogo menggaarak nogo aret o.

Lek age mbareegi, at Yetut nen, ”Kiniki noba panggombunuk, abet nombakwi nogo ti, nonggop agaarak me, yogo ogotik o?” Yorage mbareegi, inagabiti nen at ambi nen at ambi yogak yogo logonet, ”Wologwe! O wiya inom, yi inom, at oone konengge menggerak yi ta mbakop? Wi!” yinuk, pi wareegwaarak.

Tu paga wambit nagagerak nogo ti, aakumi nen Ala wone konembunuk, waganggwi iinok, Ibilit nen wage nagaatik, wone inikime waganggaatak nogo abet mbakwi paga inagap ndake kero, ndininuk wonok nggarek ari menggerak.

Yi mendek ndi mendek kumaarak wonage kenok, pilak ari, ndi, wone inikime taberak wonage kenok, nggwok paga aret pagak ari, eerigin o.

Yoge mbareegi, kwe nogo nen, ”Muk yelok neegerak kagi o,” yinuk, agabiti nen aganak nugege logonet, Yetut abu'me tebe yinuk, aakumi abok inenggaanom paga alom ngge paga Yetut ayum pigaganeegerak inom, ndi, awo pigagangge kagak eebe obeelom agagerak nogo inom, mbininogo yoreegerak. Yoge mbareegi, at Yetut nen, ”Napuluk o. Kiniki an noba panggombunuk, abet nombakendak paga obeelom agandak me, kinikiigun kame nak o,” yoreegerak.

Tebe agan wambuurak eeke mbareegi, Yetut owagam nogo nogogwaarik, eenik eeppunuk, ”Ninogoba wae! Yi abu ndonggonninake agaarik o.” Yogo mbareegwa, at eenik a'nuk, o wiya inom, yi kilaarakmogonik eeke inom, mberege mbareegi, puk a'nuk, yi yenggenak nogo abolok lek agagerak.