Versets bíblics populars de LUKAT 24

Comparteix

kinaruk logonip o. Nogoba nen wokkiroorak abok yokkiragagerak nogo, an nen aret kinoba wuppinagi woraagin o. Wuppinagi woraagin me, Ala omaawi agi nen kinoba mondok li'luk eeppinagi waga'lek kagak, o tini ambit yime logonu o,” yinuk, yoragagerak.

Eebe yime lek o. At muk eenik a'nuk, mi'nagaarak o. At Nggalileya logonet, An aap aret nda'nagagirak nogo Ala kooneegerak paga nooruwak nduk, neebe pigogo it aap maluk mendek wogorage mbariminggi, eyo karo-karo paga nabenogo panugwi iinok, nogo mbere yinuk, neenik a'nuk mi'narigin o, yinuk, wone yokkiragagerak nogo abe'nip o.”

Tumburirage mbareegi, ”Ie. Nogo yi aret kogo,” yinuk, at aret yelok kogogwaarak. At aret yelok kogo mbareegwa, inigen iigak, eenggi-iyo'lek aret lek agagerak. Eenggi-iyo'lek aret lek age mbareegi, imbirak wone mbanggo logonet, ”Wulaga! Wogo logonet, at wone yo'nirage, Ala wone liiru mbanak amburu mbannirage, eeke kagak, nit niniki eya ee'nabit unggwage kogoorak nogo lek a?” yinuk, yogogwaarak.

Iniki eya eeppiige nagagirik, ”At Ala nen leenogo mippereegerak Mesias nogo aaninggin-paaninggin oba pugwi iinok, nogo mbere yinuk, kanggo menggam nen eenik age logominggirik, mi'narigin o. Ndi, ambi, Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Nogo nogogwaarik, yugum tu narak nogo pelenogo nappereegerak kwaakkogo nogogwaarik, unggwi nogogwaarak kwe, ninogoba endagembogut eebe logonak nogo inigen koolik.