Versets bíblics populars de LUKAT 18

Comparteix

Ti yorage nagagirik, aakumi iniki anggon-panggon eeginakaʼlek tamban mban eeko logowak nduk, Yetut wone yi eegu laarogo at oone waganggwi nogo yorage logonet

At Ala nen at apuri miirinabeegerak nogo inoone koʼlu-kiiʼme at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop? Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret ndaʼnagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Yogo mbareegwa, at Yetut nen, ”It aakumi nen eeriyak meek aret kwe, Ala nen eeriyak perak op o,” yinuk, yoragagerak.

Yoge nagagerak nogo aap nogo nen aaʼnduk eebi mbareegerak kwe, peebi iniki koombunuk, An Ala nagabiti mbake, ndi, aakumi inayuk wuke, eekeelik kwe, kwe togwe yi, nabenik-nabenak mban ari me, piyaʼnabi wage logokwak, nggaruk togon noone non mbambunuk, logokit, mbareegerak o,” yoragagerak.

It elege-aabologwe Ala abuʼme logorak nduk, unggwi nogo mengga kwak, kit togop aret unggwi nagaʼlek kiinok ti, unggwi namunggup lek aret o, yinuk, abet aret yokkiragi o,” yoragagerak.

Mberirogo mbareegwa, at Yetut nen elege-aabologwe nogo woraawak nduk, wiirage nagagirik, wogwe iigak, at oone waganggwi mendek nogo yorage logonet, ”It elege-aabologwe an nowagam wogwe me, teppiyaanip o. Ala abuʼme logorak ti, it yogop yi aret me, non mbambiigwi ti, mage o.

Yoge mbareegi, Yetut nen, ”Kat kiniki noba panggombunuk, abet nombakendak paga kenegen obeelom agaarak me, kenegen pagak yu o.”

Yoge mbareegi, at Yetut nen, ”Yi aap ndi aap lek o. Ata, at Ala alik aret obeelom mban menggerak me, kat nonggop nduk, Kat obeelom mban menggendak o, yo'negen?”