Versets bíblics populars de LUKAT 14

Comparteix

”Kit kinogobamini-kinagalomini inom, kinakuwi-kinapurilogwe inom, kinowelogwe-kinawurilogwe inom, ndi, kit kineebe lombok nogo inom, Yi neebi o, mbaka'lek kagak an nowagam wogwe kiinok, an noone waganggwi mendek arumunggup lek o.

Kinagayo karo-karo nabenogo pinagarak nogo ko'nok an ninom noorak mbaka'lek kiinok, an noone waganggwi mendek arumunggup lek o.

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Ti eeko menggarak kwak, kit ambi kinamendik-kinamendek apit aret mbo peka'lek kagak an noone waganggwi mendek arumunggup lek o,” yoragagerak.

Kit o nggwok ambi wuriyak koonggwi kenok, wuriyak nogo onggo puurak endak wonage ilik, lek a? yinuk, kineenggi linggingga'lek kagak, wuko monggotak mbakop? Kineenggi linggingga'lek kagak wukwi kiinok, nggween kabunogo kobat yimbunuk, oo'ngget awo maaka'lek kagak wu lek age kenok, mbo pumonggotak nogo aap ando nen inigen kogo logomenggaarik, Aap yi o wuriyak nduk eekerak kwe, eegu yobok ari kenok, mbo pegerak yi, kaanip o, yinuk, kinagi'ndok kambugun nogo lek a?

Laago lake logonet, ineenggi lek kenok, aawi-obaak peenok warak peenok lek kenok, endop maluk kenok, inigen mbuk kenok, inayonggo pege kenok perak, kiniki ale'nggen ambik kaamunggun o. Ndi, it nen onggo wokkiriyak meek me, aakumi iniki koonak nogo ineenik a'nuk, mippiyoorak eyom nogo paga aret onggo wokkege kaamunggun o,” yinuk, yoreegerak.

”Mayu ti, ambi eeriyak ake aret wurik menggerak kwe, andi lek wurik kenok, nonggop agago andi warak eeriyak? Mayu andi lek wurik nogo ti, nggween obeelom aruwak nduk yabu yarak me ilik, nggween maluk me a, pumenggaarak kwe, nggween nogo abe arigin lek me, abu mbo nappogo menggaarak. Kinaruk koneniyak kenok, liirogon aret konenggo logonip o,” yinuk, yoragagerak.