Versets bíblics populars de 1 KORINDUT 4

Comparteix

Aakumi inoone ugun agan nugwi nogo konembunuk, Ala abu'me unggwi nogo logogun lek o. Ata, Ala omaawi inikime eeppiige kagak, inobaabut koonak logonet, yorogwe nogo konembunuk, waganggwi iinok perak, unggwi nogo logogun aret o.

Ti kenok, it aakumi inawone amburu mbanogo inowak looniyak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe Yetut wage logominggirik perak, wone kote kumaarak wonage nogo kin paga pege, ndi, ninikime mbabok koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

Inogobamini nen inayeloman eeriyak unde eeppiinok, eerit nogwe iigak, ”An yoragarak liippunuk, eekwi iyaamun ilik lek a?” yinuk, inigen wogonako mengga kwak, Ala nen togop aret enegen wo'ninake wonage me, liippunuk aret eerit nogo logowok o.

Togop me, Ala wone kote kumaarak mendek unde eeppinaneegerak me, nit at Keritut ayeloman abet aret ninombako logonip o.