Versets bíblics populars de MATIUS 28

Comparteix

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah. Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

Malaikat'o madeak ngen selawei-selawei'o, “Jibeak saben! Uku namen udi mesoa Yesus de sudo senalib'o. Si coa gen neak yo. Si bi idup igai awei de sudo nadeak-Ne bel'o. Maro keliakba penan kenubua-Ne.

“Jibeakba saben,” nadeak Yesus ngen tobo'o, “lalau melei namen ngen pasuak-pasuak-Ku supayo tobo'o lalau moi Galilea, neak di tobo'o bakea kemliak Uku.”

Pemipin Imem-imem'o basen ngen pemipin-pemipin Yahudi, lajau melei dau caci ngen tentra penjago'o, ngen madeak, “Udi mestai madeak bahwo penotoa-penotoa Yesus teko pado bilai klemen, ngen maling mayit-Ne waktau udi dong tidua. Ngen amen Gubernur temi'uk hal'o keme bakea mbujuk si supayo udi coa dapet masalah jano bae.” Mako tentra penjago'o mok caci'o, ngen menea awei de nesen ngen tobo'o. Kerno'o cerito'o masiak teniuk neak antaro tun Yahudi sapei pado bilai yo.