Versets bíblics populars de Litanga 37

Comparteix

Na Yosefa ya lota liloto, naye ya volera avamwavo veve: navo va meda lidunya kuye.

Henza, Israeli ya yanza Yosefa kuvita avana veve vosi, kigira ya li mwana wobusakulu bwibwe: na ya mu lombera likoti litambi na lyamakono.

Na avamwavo veve va lola kuli dada wavo ya mu yanza kuvita avamwavo vosi veve; na va mu dunyira, na si va nyala kuvolerana naye nemirembe.

Naye ya lota liloto lindi, na a volera avamwavo veve, na a vola, Henza, Ndoti liloto lindi; na henza, liuva na mweli na tsing'ereng'ani likumi ne indala vya sigamira inze.

Avamwavo va mu kendekera; navutswa dada wewe ya vika likuva yili mu mwoyo gwigwe.

Naye ya va volera, Mwadza, mu hulire liloto yili lya ndoti: kigira, henza, kwa li ku boha viganda mu mulimi, na henza, kiganda kyange kya vuka, ni ki singira; na henza, viganda vyenyu vya ki kumbiridza, nokusigamira kiganda kyange.

Gendi kalunu, ku mwiite, nokumuta mubogo bulala, na ku la vola Inyama indamano ya mu lia: na ku la lola kuli maloto gege ga li va.

Ma Avamidiani avakiranyi va vita; na va senula Yosefa kumutwulidza mu bogo, ni va gula Yosefa ku Avaishmaeli vidonye vyefetha amakumi gaviri. Na va tsia na Yosefa kuduka Egepeti.

Navo va volerana avene navene Henza, muloti zana udzanga.

Navo va mu lolera ihale, ni va lomba makuva gobudamano, na a kikiri kuduka himbi kuvo, va duke kumwiita.

Na Rubeni ya vola, Mu ta tahidza masahi; mu mu te mbogo mwigendanyama, navutswa mu ta hila kuye mukono: a duke kumuhonnya mu makono gavo, nokumwiranya ku dada wewe.