Versets bíblics populars de Titus 1

Comparteix

Ra'uli'-rana, ra'inca moto-i Alata'ala, ntaa' monoto-midi kaboa'-rae, apa' po'ingku-ra uma mpotuku' konoa-na. Babo' lia kehi-ra hi poncilo-na. Uma-ra dota rahawai', pai' uma rakulei' mpobabehi kehi napa–napa to lompe'.

Hi tauna to moroli' nono-ra, uma ria napa–napa to rapalii'. Aga tauna to dada'a nono-ra pai' to uma mepangala', uma ria to moroli', apa' bengku' ami'-mi pekiri-ra, pai' rapo'ihi moto-mi gau'-ra to dada'a, duu'-na uma-pi rarasai kamasala'-ra.

Kana moroho pongkakamu-ra tudui' to tapangala', hewa to oti-mi ratudui'-taka, bona ra'inca mpotudui' tauna tudui' to makono pai' mpo'apui nono-ra, pai' ra'inca wo'o mpokamaro-ra to mposapuaka tudui'-ta.

Apa' tauna to jadi' pangkeni hi rala agama-ta, pahawaa' to mpo'urusi pobago Alata'ala. Toe pai' kana to uma ria kasalaia'-ra: uma ma'ala to molangko nono ba to jolia moroe, uma ma'ala topalangu–langu ba to ntora motuda' pai' to doko' doi-wadi. Tauna to nu'ongko' jadi' pangkeni agama, kana tauna to jole' metorata, tida mpobabehi to lompe', monoto pai' monoa' nono-ra, moroli' po'ingku-ra pai' to mpokule' mpengkatarii kahinaa nono-ra to dada'a.

Ane tauna to jadi' pangkeni agama, kana tauna to uma kasalaia' gau'-ra, to motobinei hadua-wadi, ana'-ra kana mepangala' wo'o hi Kristus, pai' bela-ra ana' to rakahangai' to sapa pai' to mekahia'.