Versets bíblics populars de Galatia 6

Comparteix

Toe-mi ompi' pai' neo' taka'ohai mpobabehi kehi to lompe', apa' ane tida-ta mpobabehi kehi to lompe', bate rata mpai' tempo-na tarata wua'-na.

Jadi', bula-ta mologa-pidi, kana mpobabehi to lompe'-ta hi hawe'ea tauna, peliu–liu-nami hi ompi' hampepangalaa'-ta.

Kana mometulungi-ta hadua bo hadua, ba hema-ta to hi rala kasusaa', bona ngkai kehi-ta toe, tatuku'-mi atura Kristus.

Mo'inga'–inga'-ta ompi'! Ane ta'uli' ma'ala-ta mpopakawa' Alata'ala, bate mpopakawa' woto-ta moto-tamo. Napa to tahu'a, tetu wo'o mpai' to tapepae.

Ane tauna ntora mpobabehi kehi to ntuku' kahinaa nono-na to dada'a, wua'-na mpai': ragaa'-i ngkai Alata'ala duu' kahae–hae-na. Tapi' ane tauna mpobabehi kehi to mpotuku' konoa Inoha' Tomoroli', wua'-na mpai' ngkai Inoha' Tomoroli' toe: mporata-i katuwua' to lompe' dohe Alata'ala duu' kahae–hae-na.

Ompi'–ompi', ane mpohilo-ta ompi' hampepangalaa'-ta mpobabehi gau' to sala', kita' to nakuasai Inoha' Tomoroli' kana mpotete' nculii'-i-hawo hi ohea to makono. Aga neo'-hawo ngkerepa' lolita-ta, kana tapololitai-i hante ka'olu–olu-na. Pai' pelompehi, bona neo' mpai' kita' wo'o rasori mpobabehi jeko'.

Ane ria hadua tauna to mpo'uli' meliu-i ngkai doo-na, hiaa' uma-di, batua-na mpopakawa' woto-na moto-imi-hawo. Agina butu dua-ta mpetonoi kehi-ta, ba lompe'-di ba uma. Ane lompe', ma'ala tapokagoe'. Neo'-ta mponaa kehi doo. Apa' butu dua-nata hore–hore mpotangku kehi-ta moto.