Versets bíblics populars de Suro 1

Comparteix

Sampale-di, mporata-koi mpai' baraka' ane hompo-ipi Inoha' Tomoroli' hi koi'. Nto'u toe mpai', koi' jadi' sabi'-ku hi Yerusalem, hi tana' Yudea pai' Samaria, duu' rata hi humalili' dunia'.”

Na'uli' Yesus: ”Tuama-ku moto to mponoa' ba nto'uma kadupa'-na hawe'ea patuju to napakatantu-mi hante kuasa-na. Uma mingki' ni'inca koi'.

Rala-na hangkani, bula-na morumpu dohe-ra, nawai'-ra hawa' toi. Na'uli'-raka: ”Neo' ulu nipalahii ngata Yerusalem. Popea ulu hi rei duu'-na Tuama-ku mpowai'-koi to najanci-mi, to ku'uli'-mikokoi mperi'ulu. Apa' Yohanes meniu' hante ue. Tapi' ba hangkuja eo-damo, raniu'-koi hante Inoha' Tomoroli'.”

duu' rata hi eo kara'ongkoa'-na hilou hi suruga. Ka'oti-na rapatehi pai' rapotuwu' nculii', wori' ngkani-i mpopehuwu woto-na hi suro-na, bona monoa'-mi ra'inca katuwu'-na nculii'. Rala-na opo' mpulu' eo, rahilo moto-i, pai'-i mpotudui'-ra beiwa patuju-na Alata'ala mpohore manusia' ngkai huku' jeko'-ra pai' mpopajadi'-ra ntodea-na hi rala Kamagaua'-na. Kako'ia-na me'ongko' hilou hi suruga, hante kuasa Inoha' Tomoroli' natu'u hawa'-na hi suro-na to napelihi-ramo toe.

Ka'oti-na mololita hewa toe, kate'oo–ongkoa'-imi hilou hi langi'. Mengoa'-ramo mpongoa'-i, duu'-na uma-ipi rahiloi apa' naleru limu'-imi.

Bula-ra mengoa'-pidi hi langi' mponaa pe'ongko'-na, ria ncorobaa rodua tomane moheai pohea to mengea' mokore hi ncori-ra. Ra'uli' to rodua toera: ”Ee to Galilea! Napa pai' ntora mengoa'-koi hi langi'? Yesus to nihilo te'ongko' hilou hi suruga toei lou, wae wo'o-i mpai' nculii' tumai ngkai suruga hewa to nihilo-e we'i.”