Versets bíblics populars de 2 Korintus 4

Comparteix

Jadi', uma-ta mpenonoi napa to kahiloa. To tapenonoi-le, to ko'ia kahiloa. Apa' to kahiloa, hampai'-wadi. To ko'ia kahiloa tida duu' kahae–hae-na.

Jadi', toe pai' ku'uli' we'i, uma mere' nono-kai. Nau' woto-kai toi ka'uu–uncua roho-na, aga nono-kai rabo'ui ncuu butu eo-na. Kasusaa' to tarata tempo toi, monangko' pai' hampai'-wadi. Pai' ngkai katida-ta hi rala kasusaa' toi, mporata-ta mpai' kabohe tuwu' to tida duu' kahae–hae-na. Kasusaa' to tarata tempo toi, hangkedi' siu'-wadi ane tapopohibalia hante kabohe tuwu' to tarata hi eo mpeno.

Ngki'ii ngka'ana narumpa'-kai kaparia, aga uma-kai te'upi'. Pontu-na tuhu-mi nono-kai, aga uma mere' nono-kai. Rasesa'-kai, aga Pue' uma mpopalahii-kai. Rapao'-kai alaa-kai padungka–dungka, aga uma-kai mate.

Bohe mpu'u baraka' to mobago hi rala katuwu'-kai, apa' Alata'ala mposarumaka-kai mpokeni baja-na toe. Hiaa' kai', manusia'-wadi-ka-kaiwo. Kai' hewa kura tana'-wadi, aga nau' wae, to ihia' rewa to masuli' lia oli-na. Ngkai toe-mi, monoto hi hawe'ea tauna baraka' to ria hi kai', baraka' to ngkai Alata'ala, bela baraka'-kai moto.

Noto anudaa' to mpokuasai dunia' toi mpohilingai'-ra, bona neo'-ra mpangalai' Kareba Lompe'. Baja ngkai Kareba Lompe' uma mpobajahi nono-ra. Jadi', uma oa' ra'incai kabohe tuwu'-na Kristus, to hibalia tuwu'-na hante Alata'ala.

Apa' nto'u Alata'ala mpopajadi' langi' pai' dunia', na'uli' hewa toi: ”Ngkai kabengia-na mehupa' baja!” Pai' Alata'ala toe wo'o-mi to mpobajahi nono-ta, bona ta'inca kabohe tuwu'-na. Hewa to Yahudi owi mpohilo pehini-na Alata'ala hi lio-na Musa, wae wo'o ta'inca kabohe tuwu'-na Alata'ala ane ta'inca-imi Yesus Kristus.