Versets bíblics populars de RUMA 1

Comparteix

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

Tului umba Kabar Hinut rih Pohotala ngorinah kolouinon caraoh kohihco kolunon umba Pohotala, monjadi hinut hoduli; caraoh iorih honong porocaya umba Pohotala, tahkan pahtuk nyiring laiuoh. Orih sama kolou ijo tonyurat luwang Surat Borasih, ‘‘Ulun ijo porocaya umba Pohotala nyiring kohihcooh umba Pohotala monjadi hinut hoduli, ulun orih ahkan bolum!’’

Tahkanpahtuk Pohotala na'oi kolunon, sipat-sipat Pohotala ijo eam gihtan, yorih koada'an-Oh kolou Pohotala tutang kowasa-Oh ijo abadi, jari duon toniruk bain ulun, nguha paring ijo jari tona'oioh. Jadi kolunon samasino eam anai alasan ahkan ngomorong aropoh.

Ulun ngosono Pohotala, tahpi ulun eamkani mohoromat Io kolou Pohotala, tutang eam ka'a botorimakasih ahkai-Oh. Tobalikoh kolunon nirukoh ijo bohko-bohkon; ahtoi iro jari kotinget.

Pohotala ijo morong, iro ngatioh umba ang'co ijo palasu. Bohkon ijo pona'oi, molekan ijo tona'oi orih justru ijo tonyembah tutang ijo tonohalu bain iro. Podahal ijo pona'oioh orih rih ijo soharusoh tomonara turus-jaham! Amen.

Tahkan soruga Pohotala ngorinah kosingi-Oh toharep paring dusa tutang koja'at ulun, tului koja'at, pojajong kalunon ahkan ngosono ajaran morong tohou Pohotala.

Kotuluioh kolunon nguan ijo kodorih, mahka Pohotala mohonau iro numbun kojolik iro ijo hina. Bawin-bawin iro eam hino jolik umba ulunbahkas, kolou ijo lajimoh aang ulun, molekan karasjolik umba sama bawi. Bahkas ka kodorih ka'a, iro eam hino socara lajimoh nguan kohihcoi umba ulunbawi, molekan jolik tohimo sama bahkas. Bahkas nguan gawiu ijo komia-mia toharep sama bahkas, nyiring iro norima balos ijo sotimpal umba gawin iro ijo ja'at rih. Bain tului ulun eam komo porulu ngosono Pohotala, mahka Pohotala mohonau tiruk'ndo monjadi rusak, nyiring iro nguanoh hal-hal ijo iro eam tou nguaioh.

Iro ngomo arop bobudi bosara podahal iro uong. Bohkonoh Pohotala ijo abadi, ijo iro nyembah, molekan pahtung-pahtung ijo nyoruwa angbolum ijo tou mahtoi; yorih kolunon, bulung, ohcin ijo hopa'a ohpat, tutang ohcin ijo nyoli.