Versets bíblics populars de PONGORINAH 3

Comparteix

Nohto! Ahku tombok ang baun bauntukang tutang negah. Amat anai ulun ijo ngonih auh-Ku, tutang nguap bauntukang, Ahku ahkan nyolong nyombang io; Ahku ahkan kuman hombo-homboh io, tutang io kuman sama-sama Ahku.

Ahku kota'an inon ijo ihkam nguai; Ahku kota'an ihkam eam sorongin eam ka'a podih. Koharusoh ihkam anai ihcooh! Tahpi ihkam podi-podih kuhku; podih eam, sorongin ka eam. Orih tuluioh ihkam, ahkan Ahku nokahakoh soluka, tahkan luwang nyamak-Ku.

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.

Ahku kota'an inon ijo ihkam nguai. Ahku kota'an ijo ihkam eam popira koba'as; ihkam, jari numbun ajar-Ku, tutang tehen umba Ahku. Bagin ihkam jari Ahku nguap ihco bauntukang, ijo eam dahpot tongahtop bain iai ka ka'a.

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

Ihkam nuhtui, ‘Ihkai tahtou tutang uras sukup; ihkai eam tahpas ino-inon.’ Tahpi ihkam eam kota'an eaminon komolarat tutang eaminon kosedihoh koada'an'kam! Ihkam porosbolum, hoburang, tutang bobulen.

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

Ahku bojoin lombut! Jagarih pio-pios inon ijo ihkam anaitepuioh, mangat eam ihcobehti ka mosopit hadiah komanang'kam.

Tului orih, kuatrih, tutang ngomba'asiou, inon ijo magun anai ang ihkam, hounumba orih mahtoi samasino. Tului Ahku nyombangrih ijo inon ijo ihkam nguaioh, jaha ihco ka ijo soporuna ang toharep Pohotala.