Versets bíblics populars de KOLOSE 2

Comparteix

Konduang-konduang jari norima Kristus Yesus monjadi Tuhan. Bain orih hondakrih ihkam bolum hihco umba Io, tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto, tutang ngobalang surat-surat uhtang toharep ihto, ijo toturus mongancam ihto, umba sarat-sarat ijo bahat. Hawui nyopolahki surat rih ang kahju sopolahki, Pohotala ngudap paring dawa toharep ihto.

Kotului paring porobadi Pohotala mohcon ang Kristus, yorih aang kolunoi-Oh. Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

Kobain rih a'airih mohonau ulun nosalan ihkam tohou ukun ata'ai korih, ata'ai tohou ondou-ondou pesta agama, ata'ai pesta-pesta bulan bohua, ata'ai tohou ondou Sabat. Paringoh rih tihkas kokolingon iou, tahkan hal-hal ijo ahkan lombut, tahpi korinah tahkan hal-hal rih, iorih Kristus.