Versets bíblics populars de Danyél 8

Comparteix

Tey kemgis, okóm sundu hol kun tahu kegbek du. Angat tey wen genbaen ne kihu nóyô nmoen gbeken. Angat gotu genlaen yó kem wen kegbek le malak dalang se yó kem kun tau Dwata. Tey hulung smukat, yó se gónón gel gemmò bè dumu tau. Tey kehegetahen knóen. Ofo kul mon du yó kem tau ke deng menek kbenwu le, anì monem yó se kdawen alì gemlà kul. Angat nwiten sgida yóm Geta bè yóm kdéen tau hol geta, okóm bè yó hol gónón meglà. Ne yóm keglaen, là lemwóten bè kul kgis yó kem tau.

Ominen mon du, “Ni nógówu naw e tulón kóm yóm angat kmoen yóm kdaw angat ksut yóm lebut Dwata. Yó kem deng tonem, hnigaden yóm angat kmoen yó kem hol són kdaw. Yóm ubiha logi lewu hangahen, duhen yóm lewu kem tau hol geta mogot yó kem kul benwu nogot yó kem tau Mid ne yó kem tau Pérsya. Yóm kambing logi, duhen yóm benwu kul nogot yó kem tau Grik. Yóm hanga bong mteg lem blóng matahen, duhen yóm hol tanay tau hol geta kmamal yóm klamang benwu nogot yó kem tau Grik.