Versets bíblics populars de GENESIS 27

Comparteix

Keleh TUHAN manenga akam ambon bara langit, tuntang mawi tanam basiwoh! Keleh ie manenga akam gandom tuntang anggor je malabien karee! Keleh kare bangsa kareh mamenda ikau, tuntang kare suku oloh sontop manyembah ikau. Keleh ikau mahunjun kare tundah kolam, tuntang turonan indum sontop intu taharepm. Tarasapa kakare oloh je manyapa ikau tuntang imberkat kare oloh je mamberkat ikau.”

Esau hamauh, “Toh tingkat ije kaduee ie manipu aku. Badai arae Yakob. Ie jari manduan pangkat kabakasku. Toh ie manduan kea berkat je akangku. En bapa puna jaton tempon berkat je beken akangku?”

Limbah te Isaak hamauh dengae, “Dia baka aton ambon bara langit akam, dia baka aton tana je basiwoh akam. Ikau kareh belom mahapan padangm, aloh kalote ikau manjadi rewar andim, tapi amon ikau malawan, ikau kareh liwus bara kuasae.”

Esau dia maku terai balaku dengan bapae. “En bapa baya aton tempon ije berkat bewei? Berkat kea aku bapa!” palus ie nampara manangis tinai.