Versets bíblics populars de PA'JARIANG 27

Comparteix

Poro Nasareko Allata'ala saliu' battu ri langi', nampa napa'jari coppong sikamma kokonnu! Poro Nasareko gandung siagang anggoro' alla'bi-la'bi! Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

Nakanamo Esau, “Iaminne makapinruangku naballe-ballei. Siratangi niareng Yakub. Naallemi ha' ana' bungasakku, nampa kamma-kamma anne naalle tommi barakka' lamangea ri nakke. Apaka tenamo barakkatta maraeng Bapa'?”

Nampa nakanamo Ishak ri ia, “Talaniakka saliu' battu ri langi' untu' ikau, tena niakka koko lacoppong untu' ikau. Lattallasakko lanri battu ri pa'dannu, mingka la'jari suronako andi'nu, mingka punna angngewako, lata'lappasakko battu ri kakoasanna.”

Tenamo ammarina Esau appala' ri manggena. Nakana, “Apaka se'reji bawang barakkatta? Barakkaki tonga' Bapa'!” Nampa appakkaramulamo angngarru' pole.